കുവൈത്ത് സിറ്റി: പൊലിസ് ഉദ്യോഗസ്ഥരാണെന്ന് സ്വയം തടഞ്ഞുനിര്‍ത്തി പണം തട്ടുന്ന സംഭവങ്ങള്‍ കുവൈത്തില്‍ പതിവാകുന്നു. കഴിഞ്ഞ ദിവസം ജഹ്‌റയില്‍ വെച്ച് പ്രവാസി യുവാവിനെ റോഡില്‍ തടഞ്ഞുനിര്‍ത്തി വ്യാജ പൊലിസ് സംഘം പണം തട്ടിയെടുത്തിരുന്നു. പണം നഷ്ടപ്പെട്ട യുവ പ്രവാസി നല്‍കിയ പരാതിയിന്മേല്‍ അന്വേഷണം നടക്കുന്നതായി ഡെപ്യൂട്ടി പബ്ലിക് പ്രോസിക്യൂട്ടര്‍ അറിയിച്ചു.

ALSO READ: കുവൈത്ത്: ഓടി രക്ഷപ്പെടാൻ ശ്രമിച്ച മൂന്ന് പ്രവാസികളെ പോലിസ് പിന്തുടർന്ന് പിടികൂടി; കയ്യിൽ നിറയെ മയക്കുമരുന്ന് 

പുലര്‍ച്ചെ നാലരയോടെയായിരുന്നു സംഭവം. ജഹ്‌റയിലെ റോഡിലൂടെ നടന്നുവരികയായിരുന്ന പ്രവാസിയോട് പിന്നാലെ വാഹനത്തിലെത്തിയ ഒരാള്‍ ഐഡി കാര്‍ഡ് ആവശ്യപ്പെട്ടു. താന്‍ പൊലിസാണെന്ന് പരിചയപ്പെടുത്തിയ ശേഷമായിരുന്നു ഇയാള്‍ യുവപ്രവാസിയോട് ഐഡി കാര്‍ഡ് ആവശ്യപ്പെട്ടത്. ഇതിനു ശേഷം കത്തി കാട്ടി ഭീഷണിപ്പെടുത്തിയ  പ്രതി യുവാവിന്റെ പണമടങ്ങിയ പഴ്‌സ് തട്ടിയെടുക്കുകയായിരുന്നു. പണം തട്ടിയ ശേഷം ഇയാള്‍ അതിവേഗത്തില്‍ വണ്ടി ഓടിച്ചു പോവുകയായിരുന്നു.

35 കുവൈത്തി ദീനാര്‍, സിവില്‍ ഐഡി, രണ്ട് എടിഎം കാര്‍ഡ് എന്നിവയാണ് പഴ്‌സില്‍ അടങ്ങിയിരുന്നത്. പഴ്‌സ് നഷ്ടപ്പെട്ട ഉടനെ യുവാവ് പൊലിസ് സ്റ്റേഷനില്‍ എത്തി പരാതി നല്‍കുകയായിരുന്നു. 

Kuwait authorities have issued a warning after incidents of robbery where expatriates were detained by criminals posing as police officers. Residents are urged to remain vigilant, verify police identities, and report suspicious activities to prevent falling victim to such fraud.