ദുബൈ: മലബാര്‍ ഗോള്‍ഡ് & ഡയമണ്ട്‌സ് സുപ്രധാന ആഗോള വിപുലീകരണ പദ്ധതി പ്രഖ്യാപിച്ചു. 2025 ഡിസംബറോടെ 48 ഷോറൂമുകള്‍ ആരംഭിക്കാനാണ് ബ്രാന്‍ഡ് പദ്ധതിയിടുന്നത്. 27 പുതിയ ഷോറൂമുകളും 21 നവീകരിച്ച ഷോറൂമുകളും ഇതില്‍ ഉള്‍പ്പെടുന്നു. ഈ നീക്കത്തിലൂടെ ലോകത്തിലെ ഏറ്റവും വിശ്വാസ യോഗ്യവും വിപുലവുമായ ആഭരണ റീട്ടെയില്‍ ശൃംഖലകളിലൊന്നായി മാറാനാണ് മലബാര്‍ ഗോള്‍ഡ് & ഡയമണ്ട്‌സ് ലക്ഷ്യമിടുന്നത്. വിപുലീകരണ ഭാഗമായി ഇന്ത്യയില്‍ 14 പുതിയ ഷോറൂമുകള്‍, യു.എ.ഇയിലും യു.എസ്.എയിലും 3 വീതം, യു.കെയില്‍ 2, ഓസ്‌ട്രേലിയ, കെ.എസ്.എ, കാനഡ, മലേഷ്യ എന്നിവിടങ്ങളില്‍ ഓരോ ഷോറൂമുകള്‍ തുടങ്ങും. കൂടാതെ, ന്യൂസിലന്‍ഡില്‍ ആദ്യ ഷോറൂം ആരംഭിക്കുന്നതോടെ 14ാമത്തെ രാജ്യത്തേക്ക് കൂടി ബ്രാന്‍ഡിന്റെ പ്രവര്‍ത്തനം വ്യാപിക്കും.

ബ്രാന്‍ഡിന്റെ വരുമാനം 78,000 കോടി രൂപയായി വര്‍ധിപ്പിക്കുക എന്ന ലക്ഷ്യത്തോടെയാണ് ഈ വിപുലീകരണ പ്രവര്‍ത്തനങ്ങള്‍ നടപ്പാക്കുന്നത്. നിലവിലെ സാമ്പത്തിക വര്‍ഷത്തില്‍ 15 രാജ്യങ്ങളിലും 22 സംസ്ഥാനങ്ങളിലും 3 കേന്ദ്ര ഭരണ പ്രദേശങ്ങളിലുമായി 60 ഷോറൂമുകള്‍ തുറന്ന് സാന്നിധ്യം വിപുലമാക്കാനാണ് നീക്കം.

പുതിയ ഷോറൂമുകള്‍ ആരംഭിക്കുന്നതിനൊപ്പം, ഇന്ത്യ, യു.എ.ഇ, കെ.എസ്.എ, ഒമാന്‍, മലേഷ്യ എന്നിവിടങ്ങളില്‍ നവീകരിച്ച ഷോറൂമുകള്‍ പുനരാരംഭിക്കുകയും ചെയ്യും. ഉപഭോക്താക്കള്‍ക്ക് നവീകരിച്ച, ആഡംബര ഷോപ്പിങ് അനുഭവം നല്‍കുകയാണ് ബ്രാന്‍ഡ് ഇതിലൂടെ ലക്ഷ്യം വക്കുന്നത്. ബ്രാന്‍ഡിന്റെ ദീര്‍ഘകാല നയങ്ങളായ വിപുലീകരണം, പ്രധാന വിപണികളെ ശക്തിപ്പെടുത്തല്‍, ശ്രദ്ധാപൂര്‍വം തിരഞ്ഞെടുത്ത ഉല്‍പന്ന ശ്രേണികളും ലോകോത്തര സേവനങ്ങളും ലഭ്യമാക്കി മികച്ച സാധ്യതകളുള്ള പ്രദേശങ്ങളില്‍ സാന്നിധ്യം ശക്തമാക്കല്‍ എന്നിവയിലൂടെയാണ് ഇത് സാധ്യമാക്കുന്നത്.

48 പുതിയ ഷോറൂമുകളുടെ ഉദ്ഘാടനം ലോകത്തിലെ ഏറ്റവും വലിയ ആഭരണ റീട്ടെയില്‍ ബ്രാന്‍ഡായി മാറാനുള്ള യാത്രയിലെ സുപ്രധാന നാഴികക്കല്ലാണെന്ന് മലബാര്‍ ഗ്രൂപ്പ് ചെയര്‍മാന്‍ എം.പി അഹമ്മദ് പറഞ്ഞു. 'എന്നാല്‍ വളര്‍ച്ചയെന്നത് കണക്കുകള്‍ക്കപ്പുറം ഉത്തരവാദപൂര്‍ണമായ ഈ ബിസിനസില്‍ പുതിയ മാനദണ്ഡങ്ങള്‍ സൃഷ്ടിക്കാനുള്ള അവസരമാണെന്ന് തങ്ങള്‍ വിശ്വസിക്കുന്നു. ഓരോ പുതിയ ഷോറൂമും ഉത്തരവാദിത്തത്തോടെയുള്ള സമാഹരണം, സുസ്ഥിരത, സമൂഹത്തിന് തിരികെ നല്‍കല്‍ എന്നിവയോടുള്ള ഞങ്ങളുടെ പ്രതിബദ്ധതയുടെ പ്രതീകമാണ്. ഞങ്ങളുടെ ബിസിനസിന്റെ ഓരോ ഘടകങ്ങളും ഉപയോക്താക്കള്‍ക്കും, പങ്കാളികള്‍ക്കും മാത്രമല്ല, ഞങ്ങള്‍ സേവിക്കുന്ന സമൂഹത്തിനും ഗുണകരമാകുന്നുണ്ടെന്ന് ഞങ്ങള്‍ ഉറപ്പു വരുത്തുന്നു. വിശ്വാസം, സുതാര്യത, ഗുണമേന്മ തുടങ്ങിയ മൂല്യങ്ങള്‍ ഗ്രൂപ്പിന്റെ എല്ലാ പ്രവര്‍ത്തനത്തിന്റെയും കേന്ദ്ര ബിന്ദുവാണ്'' എം.പി. അഹമ്മദ് വ്യക്തമാക്കി.

ഏറ്റവും പുതിയ ഈ വികസന ഘട്ടം, ആഗോള രംഗത്തെ മുന്‍നിര ജ്വല്ലറി റീട്ടെയിലര്‍ എന്ന നിലയിലുള്ള ബ്രാന്‍ഡിന്റെ സ്ഥാനത്തെ കൂടുതല്‍ ഉറപ്പിക്കുന്നതാണെന്ന് മലബാര്‍ ഗ്രൂപ് വൈസ് ചെയര്‍മാന്‍ കെ.പി അബ്ദുല്‍ സലാം പറഞ്ഞു. 'സുസ്ഥിരതയും പാരമ്പര്യവും സാങ്കേതിക മികവും സംയോജിപ്പിച്ച വിപുലീകരണം സാധ്യമാക്കിയാണ് ഈ നേട്ടം കൈവരിക്കുന്നത്. തുടര്‍ച്ചയായി വികസിച്ചു കൊണ്ടിരിക്കുന്ന ഉല്‍പന്ന ശ്രേണിയിലൂടെയും, അതുല്യമായ റീട്ടെയില്‍ അനുഭവം നല്‍കുന്ന ഉപയോക്തൃ കേന്ദ്രീകൃത സമീപനങ്ങളിലൂടെയും, സൗകര്യവും, ലഭ്യതയും വര്‍ധിപ്പിക്കുന്ന ഡിജിറ്റല്‍ നവീകരണങ്ങള്‍ വഴിയും മലബാര്‍ ഗോള്‍ഡ് & ഡയമണ്ട്‌സ് തികച്ചും ഭാവിയിലേക്ക് സജ്ജമായ ഒരു സ്ഥാപനമായി മാറിയിരിക്കുകയാണ്' കെ.പി അബ്ദുല്‍ സലാം വ്യക്തമാക്കി.

അന്താരാഷട്ര ജ്വല്ലറി വിപണിയില്‍ മലബാര്‍ ഗോള്‍ഡ് & ഡയമണ്ട്‌സ്, വലിയ കുതിപ്പുകള്‍ നടത്തുമ്പോഴും, ഇന്ത്യ ഇപ്പോഴും ബ്രാന്‍ഡിന്റെ ഏറ്റവും വലിയ സാധ്യതയുള്ള വിപണിയായി തുടരുന്നതായി മലബാര്‍ ഗോള്‍ഡ് & ഡയമണ്ട്‌സ് ഇന്ത്യ ഓപറേഷന്‍സ് മാനേജിങ്ങ് ഡയരക്ടര്‍ ഒ.ആഷര്‍ പറഞ്ഞു.

വികസനത്തിന്റെ ഈ ഘട്ടത്തിലെ മികച്ച നേട്ടമായിരിക്കും ന്യൂസിലാന്‍ഡിലേക്കുള്ള ബ്രാന്‍ഡിന്റെ പ്രവേശനമെന്ന് ഇന്റര്‍നാഷണല്‍ ഓപറേഷന്‍സ് മാനേജിങ്ങ് ഡയരക്ടര്‍ ഷംലാല്‍ അഹമ്മദ് പറഞ്ഞു. 'ഇത് ബ്രാന്‍ഡിന്റെ പ്രവര്‍ത്തനം 14ാമത്തെ രാജ്യത്തേക്ക് പ്ര

വേശിക്കുന്ന സുപ്രധാന നാഴികക്കല്ലായി അടയാളപ്പെടുത്തപ്പെടും. ജ്വല്ലറി വിപണന രംഗത്ത് 'മെയ്ക്ക് ഇന്‍ ഇന്ത്യ; മാര്‍ക്കറ്റ് ടു ദി വേള്‍ഡ്' ഉദ്യമത്തിന്റെ ഏറ്റവും വലിയ വക്താവ് എന്ന നിലയില്‍, ബ്രാന്‍ഡിന്റെ വിജയം നൂറ്റാണ്ടുകള്‍ പഴക്കമുള്ള ഇന്ത്യന്‍ കരകൗശല വൈദഗ്ധ്യത്തിന്റെ വിജയമാണ്. ഈ പാരമ്പര്യം, സുസ്ഥിരവും ഉത്തരവാദിത്തപരവുമായ രീതിയില്‍ മുന്നോട്ട് കൊ ണ്ടു പോകുന്നതില്‍ അഭിമാനിക്കുന്നു' ഷംലാല്‍ അഹമ്മദ് വ്യക്തമാക്കി.

ALSO READ: ദുബൈയിലെത്തിയ ഇന്ത്യന്‍ യൂട്യൂബറുടെ ഐഫോണ്‍ നഷ്ടമായി, അടുത്ത വിമാനത്തില്‍ ഫ്രീയായി നാട്ടിലെത്തിച്ചു; ദുബൈ പൊലിസിന്റെ പ്രകടനമികവിന് കൈയടി

Malabar Gold & Diamonds, the world’s fifth-largest jewelry retailer, has announced a significant global expansion, with plans to open and revamp 48 showrooms by December 2025. This landmark phase includes 27 new showrooms and 21 revamped locations across 10 countries, a move designed to strengthen the brand’s presence as a leader in the global jewelry market.