ദുബൈ: ഓണമാമാങ്കം 2025 ഇന്ന് ഷാര്‍ജ എക്‌സ്‌പോ സെന്ററില്‍ അരങ്ങേറും. പരിപാടി രാവിലെ 11 മണിക്ക് ആരംഭിക്കും. ഷാര്‍ജ എക്‌സ്‌പോ സെന്ററിലെ 1, 2, 3 ഹാളുകളിലാണ് പരിപാടി നടക്കുക. സദ്യക്ക് ശേഷം ഉച്ച ഒരു മണിയോടെയാണ് ഓണമാമാങ്കം മെഗാ ഇവന്റ് സ്റ്റേജില്‍ ആരംഭിക്കും. മലയാള നടന്‍ പൃഥ്വിരാജ് സുകുമാരനാണ് ഇത്തവണ ഓണ മാമാങ്കത്തിന്റെ ആഘോഷ വേദിയിലേക്ക് മുഖ്യാതിഥിയായെത്തുന്നത്. ഓണമാമാങ്കത്തിന്റെ എല്ലാ തയാറെടുപ്പുകളും പൂര്‍ത്തിയായതായി സംഘാടകരായ ഇക്വിറ്റി പ്ലസ് അഡ്വര്‍ടൈസിങ് എം.ഡി ജൂബി കുരുവിള അറിയിച്ചു.

രാവിലെ 11 മുതല്‍ ഓണസദ്യ ആരംഭിക്കും. ഉച്ച ഒരു മണിക്ക് ഡിജെ മ്യൂസിക്കോടെയാണ് പരിപാടി ആരംഭിക്കുന്നത്. 1.30ന് ഔദ്യോഗിക ഉദ്ഘാടന ചടങ്ങ്. രണ്ട് മണിക്ക് ചെണ്ടമേളം. തുടര്‍ന്ന്, രാജ് കലേഷ്- മാത്തുക്കുട്ടി ടീം സംവാദം. ഡാന്‍സ് ഇനങ്ങളും, സാംസ്‌കാരിക പരിപാടികളുമായി ഇവന്റ് മുന്നേറും. ശേഷം, ഫാഷന്‍ വാക്കും അരങ്ങേറും. നാല് മണിയോടെ സ്റ്റീഫന്‍ ദേവസ്സി നയിക്കുന്ന സ്റ്റീഫന്‍- ചെണ്ട ഫ്യൂഷന്‍ അരങ്ങേറും. തുടര്‍ന്ന്, ഹിറ്റ് എഫ്എം ആര്‍.ജെമാര്‍ വേദിയിലെത്തും. തുടര്‍ന്ന് പൃഥ്വിരാജ് ഓണ മാമാങ്ക വേദിയിലെത്തുക. അതിന് ശേഷം സ്റ്റീഫന്‍ ദേവസ്സി, ജോബ് കുര്യന്‍, ഹരിചരണ്‍, അഞ്ജു ജോസഫ്, പ്രസീത ചാലക്കുടി എന്നിവര്‍ സംഗീത താള വിസ്മയവുമായി വേദി നിറയും. ഒപ്പം, ഹനാന്‍ ഷായുടെ ലൈവ് കണ്‍സേര്‍ട്ടും അരങ്ങേറും. ഒടുവില്‍ തിരുമാലി, തഡ്‌വൈസര്‍ ടീമുകളുടെ ഷോയും ഓണമാമാങ്ക വേദിയില്‍ നിറയും.
ഓണാശംസകളുമായെത്തുന്ന മാവേലിക്കാഴ്ചകള്‍ക്കൊപ്പം, ഊഞ്ഞാല്‍, പരമ്പരാഗത ഓണക്കളികളായ ഉറിയടി, ലെമണ്‍ സ്പൂണ്‍, ചാക്കില്‍ ഓട്ടം തുടങ്ങിയവയും സന്ദര്‍ശകര്‍ക്കായി ഷാര്‍ജ എക്‌സ്‌പോ സെന്ററിലെ വേദിയില്‍ ഒരുക്കിയിട്ടുണ്ട്. ഓണമാമാങ്കം സ്‌പോണ്‍സര്‍മാരുടെ സ്റ്റാളുകളും വേദിയില്‍ ഉണ്ട്. ഓണമാമാങ്കത്തിന്റെ ഭാഗമായി ഒരുക്കിയ ഓണമത്സരങ്ങള്‍ അബൂദബിയിലും ഷാര്‍ജയിലുമായി അരങ്ങേറിയിരുന്നു. ഓണ മത്സരങ്ങള്‍ക്കും അബൂദബിയില്‍ സംഘടിപ്പിച്ച അത്തച്ചമയ ഘോഷയാത്രക്കും വലിയ ജനപങ്കാളിത്തമാണുണ്ടായത്.

ബോട്ടിം ആണ് ഓണമാമാങ്കം 2025ന്റെ ടൈറ്റില്‍ സ്‌പോണ്‍സര്‍. യു.എ.ഇയിലെ ടാക്‌സ് കണ്‍സള്‍ട്ടിങ് കമ്പനിയായ ഡാര്‍ടിസി ആണ് പ്രസന്റിങ് സ്‌പോണ്‍സര്‍. പങ്കെടുക്കുന്ന സന്ദര്‍ശകരില്‍ നിന്ന് തിരഞ്ഞെടുക്കപ്പെടുന്നവര്‍ക്ക് ഡാര്‍ടിസിയുടെ നേതൃത്വത്തില്‍ ഐ ഫോണ്‍ 16 പ്രോ ഉള്‍പ്പെടെ നിരവധി സര്‍പ്രൈസ് സമ്മാനങ്ങള്‍ ലഭിക്കുന്നതായിരിക്കും. ബ്രോട്ട് ടു യൂ ബയ് സ്‌പോണ്‍സര്‍ ലുലു ഹൈപ്പര്‍ മാര്‍ക്കറ്റ്‌സ്, വാട്ടിക്ക നാച്ചുറല്‍സ്. ഇക്വിറ്റി പ്ലസ് അഡ്വേര്‍ടൈസിങ് ഒരുക്കുന്ന ഓണമാമാങ്കം 2025ന്റെ മറ്റു പ്രായോജകര്‍ ആര്‍.കെ.ജി, ടാറ്റ ടീ കണ്ണന്‍ ദേവന്‍, മദേര്‍സ് റെസിപി, തനിഷ്ഖ്, ഗ്രേറ്റ് വാള്‍ മോട്ടോര്‍സ്, ആര്‍.ജി ഫുഡ്‌സ്, യാര്‍ഡ്‌ലി, കാര്‍ എക്‌സ്‌പേര്‍ട്‌സ്, ടൈറ്റാന്‍, എന്‍ പ്ലസ് പ്രൊഫഷണല്‍, മര്‍മും, സിക് മോട്ടോര്‍ ഓയില്‍, മയൂര, മ്മടെ തൃശൂര്‍ യു.എ.ഇ, മഴവില്‍ മനോരമ, മനോരമ ന്യൂസ്, മനോരമ മാക്‌സ്, ഗള്‍ഫ് സുപ്രഭാതം, ഖലീജ് ടൈംസ്, ഡെയ്‌ലി ഹണ്ട്, വണ്‍ അറേബ്യ, ഹിറ്റ് 96.7 എഫ്എം എന്നിവയാണ്.