കൊടുവള്ളി: കോഴിക്കോട് കൊടുവള്ളി മാനിപുരം ചെറുപുഴയില്‍ ഒഴുക്കില്‍പെട്ട് കാണാതായ പത്തു വയസ്സുകാരിയുടെ മൃതദേഹം കണ്ടെത്തി. കൊടുവള്ളി സ്വദേശി മുര്‍ഷിദിന്റെ മകള്‍ തന്‍ഹ ഷെറിന്‍ ആണ് മരിച്ചത്. കഴിഞ്ഞ വെള്ളിയാഴ്ചയാണ് തന്‍ഹ ഒഴുക്കില്‍ പെട്ടത്. 

മാതാവിനൊപ്പം കുളിക്കാനെത്തിയതായിരുന്നു. തന്‍ഹക്കൊപ്പം സഹോദരനും ഒഴുക്കില്‍ പെട്ടിരുന്നു. സഹോദരനെ നാട്ടുകാര്‍ രക്ഷിച്ചു. എന്നാല്‍ തന്‍ഹയെ രക്ഷിക്കാന്‍ കവിഞ്ഞില്ല. കഴിഞ്ഞ രണ്ട് ദിവസമായി തന്‍ഹക്കായുള്ള ഊര്‍ജ്ജിത തെരച്ചിലില്‍ ആയിരുന്നു നാട്ടുകാരും ഫയര്‍ഫോഴ്സും സന്നദ്ധ സംഘടനകളും.   

ALSO READ: സ്‌കൂളുകള്‍...ടെന്റുകള്‍..വീടുകള്‍...ജനവാസമുള്ള ഇടങ്ങള്‍ നോക്കി ബോംബ് വര്‍ഷിച്ച് ഇസ്‌റാഈല്‍ 

കഴിഞ്ഞ ദിവസം മട്ടന്നൂര്‍ വെളിയമ്പ്ര എളന്നൂരില്‍ പെണ്‍കുട്ടിയെ പുഴയിലെ ഒഴുക്കില്‍പ്പെട്ട് കാണാതായിരുന്നു. കോഴിക്കോട് താമരശ്ശേരി സ്വദേശിനിയായ ഇര്‍ഫാനയാണ് വെള്ളിയാഴ്ച വൈകീട്ട് 4 മണിയോടെ പുഴയില്‍ വീണത്. അവധിദിനത്തില്‍ അമ്മയുടെ വീട്ടിലെത്തിയ പെണ്‍കുട്ടി, ബന്ധുക്കള്‍ക്കൊപ്പം കുളിക്കാനായി പുഴയില്‍ ഇറങ്ങിയപ്പോഴാണ് അപകടം സംഭവിച്ചത്.

the body of tanha sherin, a 10-year-old girl from koduvally, kozhikode, was recovered after she was swept away in cherupuzha. rescue efforts had been ongoing for two days. meanwhile, another girl, irfana from tamarassery, remains missing after falling into a river in mattannur.