എളുപ്പത്തില്‍ അടിപൊളി രുചിയില്‍ ഇങ്ങനെ ഒരു പ്രാവശ്യം ഒന്നു ചെയ്തു നോക്കൂ. എന്നുമുള്ളതില്‍ നിന്ന് വറൈറ്റിയായി കഴിക്കുമ്പോള്‍ നല്ല രുചിയല്ലേ.... പ്രത്യേകിച്ചും ചിക്കന്‍ ഫ്രൈ . ഇതി കഴിച്ചാല്‍ വീണ്ടും വീണ്ടും ചോദിച്ചുകൊണ്ടേയിരിക്കും. കുട്ടികള്‍ക്കും മുതിര്‍ന്നവര്‍ക്കുമൊക്കെ ഇഷ്ടവുമാകും. ചോറിനും ബിരിയാണിക്കും ചപ്പാത്തിക്കുമൊക്കെ ഇതു സൂപ്പറാണ്.

ചേരുവ

ചിക്കന്‍ - 500 ഗ്രാം
ഉണക്കമുളക്- 6
വെളുത്തുള്ളി - 8 അല്ലി
ഇഞ്ചി - ഒരു കഷണം
ചെറുയുള്ളി - 10
കറിവേപ്പില - 4 
വിനാഗിരി - ഒരു സ്പൂണ്‍

മഞ്ഞപൊടി- കാല്‍ ടീസ്പൂണ്‍
ഗരം മസാല-അരസ്പൂണ്‍
അരിപ്പൊടി - ഒരു സ്പൂണ്‍
പെരും ജീരകപ്പൊടി - കാല്‍ ടീസ്പുണ്‍
മല്ലിപ്പൊടി -കാല്‍ ടീസ്പൂണ്‍
കോണ്‍ഫ്‌ളോര്‍- ഒരു സ്പൂണ്‍

ALSO READ: രാവിലെത്തെ പ്രാതലിന് അടിപൊളി രുചിയില്‍ തേങ്ങാപത്തല്‍

ഉണ്ടാക്കുന്നവിധം

ഉണക്കമുളക് പത്തോ പതിനഞ്ചോ മിനിറ്റ് ഒന്ന് ചൂടുവെള്ളത്തില്‍ കുതിര്‍ത്തു വയ്ക്കുക. മിക്‌സിയുടെ ജാറില്‍ ഈ ഉണക്കമുളകും വെളുത്തുള്ളിയും ഇഞ്ചിയും ചെറിയുള്ളിയും കറിവേപ്പിലയും കുറച്ച് വിനാഗിരിയും കൂടെ ചേര്‍ത്ത് ഒന്നരച്ചെടുക്കുക.

ഇത് കഴുകി വൃത്തിയാക്കിവച്ചിരിക്കുന്ന ചിക്കനിലേക്കിട്ട് അതിനു മുകളില്‍ കുറച്ചു മഞ്ഞപ്പൊടിയും മല്ലിപ്പൊടിയും ഗരം മസാല പൊടിയും പെരുംജീരകത്തിന്റെ പൊടിയും ഉപ്പും അരിപ്പൊടിയും കോണ്‍ഫ്‌ളോറും ഇത്തിരി നാരങ്ങാ നീരും ചേര്‍ത്ത് നന്നായി കുഴച്ചെടുക്കുക. അരമണിക്കൂര്‍ റെസ്റ്റ് ചെയ്യാന്‍ വയ്ക്കുക. 

ഇനി പാന്‍ ചൂടാക്കി എണ്ണ തിളയ്ക്കുമ്പോള്‍ ഇതിലേക്കിട്ട് ഫ്രൈ ചെയ്‌തെടുക്കാം. കിടിലന്‍ രുചിയാണിതിന്. മിക്‌സിയലടിച്ചെടുത്ത കൂട്ടില്‍ ബാക്കിയുള്ളവയില്‍ കുറച്ച് തേങ്ങയും കറിവേപ്പിലയും ചേര്‍ത്ത് നന്നായി മിക്‌സ് ചെയ്ത് അതേ ഓയിലില്‍ തന്നെ ഇട്ട് ഒന്നു ഫ്രൈ ചെയ്‌തെടുക്കുക. ഇതും കൂട്ടിക്കഴിച്ചാലുണ്ടല്ലോ... പൊളിക്കും.

Looking to break the monotony of your daily meals? Here’s a simple yet irresistibly delicious chicken fry recipe that’s a hit with both kids and adults! It goes perfectly with rice, biryani, chapati, or even as a standalone snack.