ദുബൈ: പ്രിസ്ക്രിപ്ഷൻ ആവശ്യമായ നിയന്ത്രിത മരുന്നുകൾ മോഷ്ടിച്ച കുറ്റത്തിന് രണ്ട് ജിസിസി പൗരന്മാർക്ക് ആറ് മാസത്തെ തടവും ഓരോരുത്തർക്കും 5,400 ദിർഹം പിഴയും വിധിച്ച് ദുബൈ ക്രിമിനൽ കോടതി. അൽ ഖലീജ് അറബിക് ദിനപത്രമാണ് ഇക്കാര്യം റിപ്പോർട്ട് ചെയ്തത്. 

റിപ്പോർട്ടുകൾ പ്രകാരം, ജുമൈറയിലെ ഒരു ഫാർമസിയിലെ ജീവനക്കാരി ജോലിക്കെത്തിയപ്പോൾ മുൻവാതിൽ പൂട്ട് തകർന്നതായി കണ്ടെത്തി. തുടർന്ന് ഫാർമസിക്കകത്ത് പ്രവേശിച്ചപ്പോൾ ഷെൽഫുകൾ ശൂന്യവും പരിസരം അലങ്കോലവുമായി കണ്ടെത്തി. ഇവർ ഉടൻ മാനേജരെ വിവരമറിയിച്ചു, തുടർന്ന് പൊലിസിൽ അറിയിച്ചു.

ALSO READ: ദുബൈ: ദി ബീച്ച് ജെബിആറിൽ ഇന്ന് (സെപ്റ്റംബർ 8) മുതൽ സാലിക് പെയ്ഡ് പാർക്കിംഗ് സംവിധാനം

സിസിടിവി ക്യാമറ പരിശോധിച്ചതിൽ നിന്ന് അർദ്ധരാത്രിക്ക് ശേഷം സാഹചര്യം മുതലെടുത്ത് രണ്ട് പേർ വാതിൽ തകർത്ത് അകത്തുകയറുന്നതായി കണ്ടെത്തി. തുടർന്ന്, മോഷണം പോയ വസ്തുക്കളിൽ അനുമതിയില്ലാതെ വിൽക്കാൻ പാടില്ലാത്ത നിയന്ത്രിത മരുന്നുകൾ ഉൾപ്പെടുന്നുവെന്ന് ഇൻവെന്ററി സ്ഥിരീകരിച്ചു.

പൊലിസ് പിന്നീട് പ്രതികളിൽ ഒരാളെ അറസ്റ്റ് ചെയ്തു, ഇയാൾ ഫാർമസിയിൽ നിന്ന് മോഷ്ടിച്ച മരുന്നുകൾ ഉൾപ്പെടെയുള്ള ലഹരിമരുന്നുകൾ ഉപയോഗിച്ചതായി സമ്മതിച്ചു. കവർച്ച ആസൂത്രണം ചെയ്തത് തന്റെ കൂട്ടാളിയാണെന്നും ഇയാൾ വെളിപ്പെടുത്തി. രണ്ടാം പ്രതിയെ പിന്നീട് അറസ്റ്റ് ചെയ്തെങ്കിലും ഇയാൾ കുറ്റം നിഷേധിച്ചു.

അതേസമയം, മോഷണവും നിരോധിത വസ്തുക്കൾ കൈവശം വച്ചതിനും ഇരുവരും കുറ്റക്കാരാണെന്ന് കോടതി കണ്ടെത്തി. തുടർന്നാണ് പ്രതികൾക്ക് തടവും പിഴയും ശിക്ഷയായി വിധിച്ചത്.

A Dubai Criminal Court has sentenced two GCC nationals to six months in prison and fined them AED 5,400 each for stealing restricted medications that require a prescription. The theft occurred at a pharmacy in Jumeirah Village, where the perpetrators broke the front lock and stole controlled substances.