മസ്‌കത്ത്: പുതിയ വർഷത്തെ ഹജ്ജ് തീർഥാടനത്തിനുള്ള അപേക്ഷാ പ്രക്രിയ സെപ്റ്റംബർ 23-ന് ആരംഭിച്ച് ഒക്‌ടോബർ 8 വരെ തുടരും. ഒമാൻ മതകാര്യ മന്ത്രാലയമാണ് ഇക്കാര്യം വ്യക്തമാക്കിയത്. 

ഹജ്ജ് നിർവഹിക്കാൻ ആഗ്രഹിക്കുന്ന 18 വയസ്സോ അതിൽ കൂടുതലോ പ്രായമുള്ള തീർത്ഥാടകർക്ക് സുൽത്താനേറ്റിന്റെ ഇലക്ട്രോണിക് പോർട്ടൽ വഴി രജിസ്റ്റർ ചെയ്യാം. 

ലോകത്തിന്റെ വിവിധ ഭാഗങ്ങളിൽ നിന്നുള്ള 17 ലക്ഷത്തോളം തീർഥാടകരാണ് കഴിഞ്ഞ തവണ ഹജ്ജ് നിർവ്വഹിച്ചത്. ജംറ പാലത്തിലെ തിരക്ക് ഒഴിവാക്കുന്നതിനും മസ്ജിദുല്‍ ഹറമിലേക്ക് സുഗമമായ യാത്ര ഉറപ്പാക്കുന്നതിനുമായി അധികൃതര്‍ തയാറാക്കിയ രണ്ട് ദിവസത്തെ ഷെഡ്യൂള്‍ അനുസരിച്ച് തീര്‍ത്ഥാടകര്‍ക്ക് മിനായില്‍ നിന്ന് പുറപ്പെടുന്നതിന് വിപുലമായ ക്രമീകരണങ്ങള്‍ ആണ് അധികൃതര്‍ ഒരുക്കിയിരുന്നത്. ഇക്കാരണത്താല്‍ ഇത്തവണ ഹാജിമാര്‍ക്ക് ഒറുവിധത്തിലുമുള്ള പ്രയാസങ്ങളും നേരിട്ടില്ല. തീര്‍ത്ഥാടനത്തിനിടെ അത്യാഹിതങ്ങളും റിപ്പോര്‍ട്ട്‌ ചെയ്തില്ല.

400 ഇലക്ട്രിക് കാര്‍ട്ടുകള്‍, 10,000ത്തിലധികം വീല്‍ചെയറുകള്‍, പ്രവേശനവും പുറത്തുകടക്കലും നിയന്ത്രിക്കുന്നതിനായി 210 സ്മാര്‍ട്ട് ഗേറ്റുകള്‍ എന്നീ സേവനങ്ങളും ഇത്തവണ ഒരുക്കിയിരുന്നു. 

വേനല്‍ക്കാലത്തെ ഹജ്ജിന് ഇനി 25 വര്‍ഷം

വേനല്‍ക്കാലത്താണ് ഈ വര്‍ഷത്തെ ഹജ്ജ് സീസണ്‍ നടന്നത്. സമീപവര്‍ഷങ്ങളില്‍ വേനലക്കാല സീസണിലെ അവസാന ഹജ്ജാണിതെന്നും ഇനിയൊരു വേനല്‍ക്കാല ഹജ്ജിന് 25 വര്‍ഷത്തോളം കാത്തിരിക്കേണ്ടിവരുമെന്നും സഊദി ദേശീയ കാലാവസ്ഥാ കേന്ദ്രം (എന്‍.സി.എം) വക്താവ് ഹുസൈന്‍ അല്‍ഖഹ്താനി പറഞ്ഞു. അടുത്ത എട്ട് ഹജ്ജ് സീസണുകള്‍ വസന്തകാലത്തും തുടര്‍ന്ന് എട്ട് എണ്ണം ശൈത്യകാലത്തും പിന്നീട് ശരത്കാലത്തുമായിരിക്കും ഹജ്ജ് നടക്കുക. ക്രമേണ താപനില ഉയര്‍ന്ന് ഏകദേശം 25 വര്‍ഷം ആകുമ്പോഴേക്കും വേനല്‍ക്കാലത്തേക്ക് മടങ്ങുമെന്നും അദ്ദേഹം അഭിപ്രായപ്പെട്ടു.

Oman's Ministry of Religious Affairs and Endowments has announced that the application process for the upcoming Hajj pilgrimage will run from September 23 to October 8. However, based on previous years' data for Indian pilgrims, the registration process typically starts in November or December and lasts until January or February.