എല്ലാവര്‍ക്കും വളരെ ഇഷ്ടമുള്ള വിഭവമാണ് ഇറച്ചിച്ചോറ്. ഇത് പെട്ടെന്നുണ്ടാക്കാനും പറ്റും നല്ല രുചിയുമായിരിക്കും. വീട്ടില്‍ ബീഫ് ഇരിപ്പുണ്ടെങ്കില്‍ പെട്ടെന്നു തന്നെ ഉണ്ടാക്കി നോക്കൂ. അടിപൊളി രുചിയാണിതിന്. 

ചേരുവകള്‍

ബീഫ് -500
സവാള- 2
ഇഞ്ചി വെളുത്തുള്ളി - ഒരു ടേബിള്‍ സ്പൂണ്‍ ചതച്ചത്
പച്ചമുളക് -5
തക്കാളി -2

മുളകു പൊടി - ഒരു സ്പൂണ്‍
മഞ്ഞള്‍പൊടി - കാല്‍ ടീസ്പൂണ്‍
കുരുമുളകു പൊടി - അര ടീസ്പൂണ്‍
മല്ലിപ്പൊടി - അര ടീസ്പൂണ്‍
അര ടീസ്പൂണ്‍ - ഗരം മസാല
ബസുമതി അരി - രണ്ട് കപ്പ്

ഉണ്ടാക്കുന്ന വിധം

ഒരു കുക്കര്‍ അടുപ്പത്ത് വച്ചു ചൂടാകുമ്പോള്‍ വെളിച്ചെണ്ണയൊഴിച്ച് അതിലേക്ക് സവാളയിട്ട് ഒന്നു വഴന്നുവരുമ്പോള്‍ തക്കാളിയും കറിവേപ്പിലയും ഇട്ട് വഴറ്റുക. ഇതിലേക്ക് ഇഞ്ചിയും വെളുത്തിള്ളിയുമിട്ട് വഴറ്റി മഞ്ഞള്‍ പൊടിയും മല്ലിപൊടിയും മുളകു പൊടിയും ഗരം മസാലപൊടിയും കറിവേപ്പിലയും ചേര്‍ത്ത് കഴുകി വൃത്തിയാക്കി വച്ചിരിക്കുന്ന ബീഫ് ഇതിലേക്ക് ഇട്ട് നന്നായി മിക്‌സ് ചെയ്ത ശേഷം ഇത്തിരി വെള്ളവും ഒഴിച്ചു ഉപ്പുമിട്ട് കുക്കറില്‍ 5 വിസില്‍ വേവിക്കുക. 

ALSO READ: ചിക്കന്‍ ഫ്രൈ ഇങ്ങനെയൊന്നു ചെയ്തു നോക്കൂ... വീണ്ടും വീണ്ടും ചോദിച്ചു കഴിക്കും

ചോറ് വയ്ക്കുന്ന വിധം

ഒരു പാന്‍ ചൂടാകുമ്പോള്‍ അതിലേക്ക് പശുവിന്‍ നെയ്യും സണ്‍ഫഌര്‍ ഓയിലും കൂടേ ചേര്‍ത്തൊഴിച്ച് ഗ്രാമ്പു, പട്ടയിട്ട് കഴുകി ഊറ്റിവച്ച അരി ഇട്ടു കൊടുക്കുക. ഒന്നു വറുത്തെടുക്കാം. ഇതിലേക്ക് ഇറച്ചിയില്‍ നിന്നുള്ള വെള്ളം എടുത്ത് (പോരെങ്കില്‍ വെള്ളം ചേര്‍ത്തു കൊടുക്കാം) അരി വേവിക്കുക. ഇതിലേക്ക് ബാക്കി ഇറച്ചി മുഴുവാനായും ഇട്ട് കൊടുത്ത് ഒന്നുകൂടെ അടച്ചു വേവിക്കുക. പാകമാവുമ്പോള്‍ തീ ഓഫ് ചെയ്യുക. ഇതിനുമുകളില്‍ സവാളയും അണ്ടിപരിപ്പും ഇട്ട് അലങ്കരിക്കാം. 

Beef rice is a much-loved comfort food among Malayalis. If you have some cooked or raw beef at home, you can whip up this flavorful dish quickly. It's spicy, aromatic, and doesn’t take too much time. Here’s how to make it: To get that restaurant-style flavor, cook the rice and beef separately and mix only at the end. Don’t over-moisturize the rice.