ദുബൈ: സമീപകാലത്തുണ്ടായ ഭൂകമ്പത്തെ തുടർന്ന് ദുരിതത്തിലായ അഫ്ഗാൻ ജനതയെ സഹായിക്കാനായുള്ള യു.എ.ഇ സഹായകപ്പൽ പാകിസ്ഥാനിലെ ഗ്വാദർ തുറമുഖത്തേക്ക് പുറപ്പെട്ടു. അവിടെനിന്ന് കരമാർഗം അഫ്ഗാനിസ്താനിലേക്ക് സാധനങ്ങൾ എത്തിക്കും.

2,500 ടൺ ഭക്ഷണം, താമസസൗകര്യം, മെഡിക്കൽ സാമ​​ഗ്രികൾ എന്നിവയാണ് കപ്പലിലുള്ളത്. യു.എ.ഇ. പ്രസിഡന്റ് ഹിസ് ഹൈനസ് ഷെയ്ഖ് മുഹമ്മദ് ബിൻ സായിദ് അൽ നഹ്യാന്റെ നിർദേശ പ്രകാരമാണ് ഈ പദ്ധതി നടപ്പിലാക്കുന്നത്. 

അഫ്ഗാനിസ്താന്റെ കിഴക്കൻ മേഖലകളിൽ ഉണ്ടായ ഭൂകമ്പത്തെ തുടർന്ന് ദുരിതത്തിലായ അഫ്ഗാൻ ജനതയെ സഹായിക്കുന്നതിനുള്ള യു.എ.ഇ.യുടെ ദുരിതാശ്വാസ പദ്ധതിയുടെ ഭാഗമായാണ് ഈ ദൗത്യം.

ALSO READ: ഹജ്ജ് 2026; ഏറ്റവും കുറവ് വിമാന സർവിസുകൾ കരിപ്പൂർ അടക്കം നാല് വിമാനത്താവളങ്ങളിൽ

യു.എ.ഇ.യിലെ വിവിധ ജീവകാരുണ്യ, മാനുഷിക സംഘടനകളും, സ്ഥാപനങ്ങളും യു.എ.ഇ. എയ്ഡ് ഏജൻസിയുമായി സഹകരിച്ചാണ് ഈ കപ്പൽ തയ്യാറാക്കിയത്. ഇത് ദേശീയ ഐക്യത്തെയും വിവിധ സ്ഥാപനങ്ങൾ തമ്മിലുള്ള സഹകരണ മനോഭാവത്തെയും പ്രതിഫലിപ്പിക്കുന്നുവെന്ന് ജോയിന്റ് ഓപ്പറേഷൻസ് കമാൻഡ് വ്യക്തമാക്കി.  

അഫ്ഗാൻ ജനതയ്ക്ക് അടിയന്തര മാനുഷിക സഹായം ശക്തിപ്പെടുത്താനുള്ള യു.എ.ഇ.യുടെ താൽപര്യത്തിന്റെ ഭാഗമാണ് ഈ സഹായകപ്പൽ. അസാധാരണ സാഹചര്യങ്ങളെ അതിജീവിക്കാനും അവരുടെ അടിസ്ഥാന ആവശ്യങ്ങൾ നിറവേറ്റാനും ഈ ദൗത്യം സഹായിക്കും.

സെപ്തംബർ ഒന്നിന് പുലര്‍ച്ചെ 12.57ഓടെയാണ് ഭൂചലനമുണ്ടായത്. 160 കിലോ മീറ്റര്‍ ആഴത്തിലാണ് റിക്ടര്‍ സ്‌കെയിലില്‍ ആറ് തീവ്രതരേഖപ്പെടുത്തിയ ഭൂചലനത്തിന്റെ പ്രഭവകേന്ദ്രം. വന്‍ നാശനഷ്ടങ്ങളാണ് ഭൂചലനത്തില്‍ റിപ്പോര്‍ട്ട് ചെയ്തത്. നിരവധി വീടുകള്‍ തകര്‍ന്നു. ഒരു ഗ്രാമം മുഴുവനായും നശിച്ചെന്നും ഔദ്യോഗിക വക്താക്കള്‍ വ്യക്തമാക്കുന്നു. അതേസമയം, വടക്കേ ഇന്ത്യയിലും പാകിസ്താനിലും ഭൂചലനത്തിന്റെ പ്രകമ്പനമുണ്ടായി.

A UAE aid ship to assist the Afghan people in distress following the recent earthquake has set sail for the Gwadar port in Pakistan. From there, supplies will be transported to Afghanistan by land.