ദുബൈ: ചൊവ്വാഴ്ചയാണ് ടെക് ഭീമനായ ആപ്പിൾ, തങ്ങളുടെ ഏറ്റവും പുതിയ ഐഫോൺ മോഡലുകളും മറ്റ് ഉപകരണങ്ങളും ഔദ്യോഗികമായി അവതരിപ്പിച്ചത്. സെപ്റ്റംബർ 19 മുതൽ ഇവ യു.എ.ഇ.യിൽ ലഭ്യമായി തുടങ്ങും. 

എന്നാൽ, സ്റ്റോറുകളിലെ ലോഞ്ചിന് മുന്നോടിയായി യുഎഇയിലെ റീട്ടെയിലർമാർ ഉപഭോക്താക്കളെ വലയിലാക്കാനുള്ള പരിപാടികളുമായി മുന്നോട്ടു പോകുകയാണ്. ഓഫറുകൾ പ്രകാരം ഉപഭോക്താക്കൾക്ക് അവരുടെ പഴയ ഉപകരണങ്ങൾ ട്രേഡ്-ഇൻ ചെയ്യുന്നതിലൂടെ 3,500 ദിർഹം വരെ ലാഭിക്കാൻ സാധിക്കും. 

ALSO READ: ഹജ്ജ് 2026; ഏറ്റവും കുറവ് വിമാന സർവിസുകൾ കരിപ്പൂർ അടക്കം നാല് വിമാനത്താവളങ്ങളിൽ

പുതിയ ആപ്പിൾ ഉൽപന്നങ്ങളുടെ വില ഇപ്രകാരമാണ്: ഐഫോൺ 17 - 3,399 ദിർഹം, ഐഫോൺ എയർ - 4,299 ദിർഹം, ഐഫോൺ പ്രോ - 4,699 ദിർഹം, ഐഫോൺ പ്രോ മാക്സ് - 5,099 ദിർഹം. എല്ലാ മോഡലുകളുടെയും പ്രീ ഓർഡർ ഇന്ന് മുതൽ (സെപ്റ്റംബർ 12) ആരംഭിക്കും. 

ദുബൈ ആസ്ഥാനമായി പ്രവർത്തിക്കുന്ന പ്രമുഖ റീട്ടെയിലർ എറോസ്, ഒരു ഐഫോണിന്റെ മൂല്യത്തിന്റെ 75 ശതമാനം വരെ ഗ്യാരണ്ടീഡ് ബൈബാക്ക് ഓഫർ നൽകുന്നു. മാത്രമല്ല, പഴയ ഐഫോണുകൾ മാറ്റുമ്പോൾ 3,500 ദിർഹം വരെ ലാഭിക്കാൻ സാധിക്കുന്ന ട്രേഡ്-ഇൻ പ്രമോഷനും അവതരിപ്പിച്ചു. ആകർഷകമായ വിലയിൽ ആക്സസറി ബണ്ടിലുകളിൽ പ്രത്യേക ഓഫറുകളും കമ്പനി പ്രഖ്യാപിച്ചിട്ടുണ്ട്.

ALSO READ: അഫ്ഗാനിസ്ഥാനിലെ ഭൂകമ്പബാധിതരെ സഹായിക്കാൻ 2500 ടൺ മാനുഷിക സഹായവുമായി യുഎഇ

മറ്റൊരു സ്ഥാപനമായ ജംബോ ഇലക്ട്രോണിക്സും സമാനമായ ഓഫറുകൾ വാഗ്ദാനം ചെയ്യുന്നു. 68 ശതമാനം വരെ ഗ്യാരണ്ടീഡ് ബൈബാക്ക്, 3,500 ദിർഹം വരെ ട്രേഡ്-ഇൻ ഓഫർ, 18-24 മാസത്തെ പലിശരഹിത ഇൻസ്റ്റാൾമെന്റ് പ്ലാനുകൾ എന്നിവയാണ് ജംബോ അവതരിപ്പിച്ചിരിക്കുന്നത്. 

യു.എ.ഇ.യിലെ മറ്റൊരു പ്രമുഖ ഇലക്ട്രോണിക്സ് റീട്ടെയിലറായ ഷറഫ്ഡിജിയും ഗ്യാരണ്ടീഡ് ബൈബാക്ക് ഓഫറുകളുമായി രം​ഗത്തെത്തിയിട്ടുണ്ട്. 

Tech giant Apple officially unveiled its latest iPhone models and other devices on Tuesday. They will be available in the UAE starting September 19.