പത്തനംതിട്ട: പത്തനംതിട്ട ജനറല്‍ ആശുപത്രിക്കെതിരേ ചികിത്സാ പിഴവ് സംബന്ധിച്ച് ആരോപണം. കൈക്ക് പരിക്കുമായി  എത്തിയ ഏഴു വയസ്സുള്ള മകനെ ചികിത്സിച്ചതില്‍ ഗുരുതര വീഴ്ചയെന്നാണ് പരാതി. ഓമല്ലൂര്‍ സ്വദേശിയാണ് കുട്ടി. ആരോഗ്യമന്ത്രി വീണാ ജോര്‍ജിന്റെ മണ്ഡലത്തിലെ ആശുപത്രിക്കെതിരെയാണ് ഈ ഗുരുതരമായ ആരോപണം ഉയര്‍ന്നിരിക്കുന്നത്. കൈക്ക് സംഭവിച്ച ചതവുമായെത്തിയ കുട്ടിയെ ചികിത്സിക്കാതെ പ്ലാസ്റ്റര്‍ ഇടുകയായിരുന്നു.

കുട്ടിയുടെ കൈ പഴുത്ത് വ്രണമാവുകയും കഠിനമായ വേദനമൂലം ആശുപത്രിയിലെത്തിയപ്പോള്‍ കോട്ടയം മെഡിക്കല്‍ കോളജിലേക്ക് കൊണ്ടുപോകാന്‍ നിര്‍ദേശിച്ചെന്നും പിതാവ് മനോജ് പറഞ്ഞു. രണ്ടാഴ്ച മുന്‍പാണ് ഇവരുടെ മകന്‍ മനു സൈക്കിളില്‍ നിന്ന് വീണ് കൈപ്പത്തിക്ക് പരിക്കേറ്റിരുന്നത്.

കഠിനമായ വേദന അനുഭവപ്പെട്ടതിനെത്തുടര്‍ന്നാണ് കുട്ടിയുമായി ആശുപത്രിയിലെത്തിയത്. എന്നാല്‍ അസ്ഥിക്ക് പൊട്ടലുണ്ടെന്ന് പറഞ്ഞ് കൈക്ക് പ്ലാസ്റ്ററിടുകയും വീട്ടിലേക്ക് പറഞ്ഞയക്കുകയും ചെയ്തിരുന്നു. വീട്ടിലെത്തിയതിന് പിന്നാലെ കുട്ടിക്ക് അസഹ്യമായ വേദനയും കൈയില്‍ നിന്ന് പഴുപ്പ് വരികയും ചെയ്തു.

 ALSO READ: സി.പി രാധാകൃഷ്ണന്‍ ഇന്ന്   ഉപരാഷ്ട്രപതിയായി സത്യപ്രതിജ്ഞ ചെയ്യും 

 ഇതേ ഡോക്ടറെ വന്ന് വീണ്ടും കാണിച്ചപ്പോഴും അസ്ഥിക്ക് പൊട്ടലുണ്ടായാല്‍ വേദനയുണ്ടാകുമെന്ന് പറഞ്ഞ് വീണ്ടും മടക്കി അയക്കുകയായിരുന്നുവെന്നും പിതാവ് പറയുന്നു. എന്നാല്‍ രക്തവും പഴുപ്പും പുറത്ത് വന്നപ്പോഴാണ് കോട്ടയം മെഡിക്കല്‍ കോളജിലേക്ക് കൊണ്ടുപോകാനുള്ള മറുപടി ലഭിച്ചത്.

പിതാവ് മറ്റൊരു ഡോക്ടറോട് ഇക്കാര്യം സംസാരിച്ചപ്പോഴാണ് തിരുവല്ലയിലെ സ്വകാര്യ ആശുപത്രിയിലേക്ക് കൊണ്ടുപോകാന്‍ പറഞ്ഞത്. കുട്ടിയുടെ കൈക്ക് ഗുരുതരമായ ചതവുണ്ടായിരുന്നുവെന്നും ഇത് പരിഗണിക്കാതെയാണ് പ്ലാസ്റ്ററിട്ടതെന്നും അതുകൊണ്ടാണ് പഴുപ്പ് ഉണ്ടായിരിക്കുന്നതെന്നും ഇപ്പോള്‍ ചികിത്സിക്കുന്ന ഡോക്ടര്‍മാര്‍ അറിയിച്ചു. തുടര്‍ന്ന് കുട്ടിയുടെ കൈക്ക് ശസ്ത്രക്രിയ നടത്തുകയും ചെയ്തു. കുട്ടിയുടെ നില ഭേദപ്പെട്ടുവരികയാണെന്ന് തിരുവല്ലയിലെ ആശുപത്രി അധികൃതരും അറിയിച്ചു.

A serious allegation of medical negligence has been raised against the Pathanamthitta General Hospital, located in Health Minister Veena George's constituency. The incident involves a 7-year-old boy from Omalloor who sustained a minor injury to his hand after falling from a bicycle. According to the boy’s father, Manoj, the child was taken to the hospital with swelling on his hand. Instead of proper diagnosis and treatment, the hospital staff applied a plaster without addressing the underlying issue. Over time, the child’s hand became severely infected, causing intense pain and discharge.