ദുബൈ: ഏഷ്യാ കപ്പിലെ ഇന്ത്യ-പാകിസ്താൻ മത്സരത്തിന് മുന്നോടിയായി, ആരാധകരോട് സ്പോർട്സ്മാൻ സ്പിരിറ്റ് നിലനിർത്താനും സ്റ്റേഡിയം നിയമങ്ങൾ അനുസരിക്കാനും ആവശ്യപ്പെട്ട് ദുബൈ ഇവന്റ്സ് സെക്യൂരിട്ടി കമ്മിറ്റി (ESC). 

സുരക്ഷാ സജ്ജീകരണങ്ങൾ

2025 ഏഷ്യാ കപ്പ് മത്സരങ്ങൾക്ക് സുരക്ഷയൊരുക്കാൻ പ്രത്യേക പൊലിസ് സംഘങ്ങൾ പൂർണമായും തയ്യാറാണെന്ന് ദുബൈ പൊലിസിന്റെ ഓപ്പറേഷൻസ് അസിസ്റ്റന്റ് കമാൻഡർ-ഇൻ-ചീഫും ESC ചെയർമാനുമായ മേജർ ജനറൽ സൈഫ് മുഹൈർ അൽ മസ്‌റൂഇ വ്യക്തമാക്കി. സുരക്ഷയ്ക്ക് ഭംഗം വരുത്തുന്ന ഏതൊരു പ്രവൃത്തിയും കർശനമായി കൈകാര്യം ചെയ്യുമെന്നും ആരാധകരുടെയും സ്റ്റേഡിയത്തിന്റെയും സുരക്ഷ ഉറപ്പാക്കാൻ നിയമനടപടികൾ സ്വീകരിക്കുമെന്നും അദ്ദേഹം മുന്നറിയിപ്പ് നൽകി.

ALSO READ: വേനൽച്ചൂടിൽ തൊഴിലാളികൾക്ക് ആശ്വാസമായ പദ്ധതിക്ക് വിട; സെപ്റ്റംബർ 15 മുതൽ ഉച്ചസമയത്തെ ജോലി നിരോധനം അവസാനിപ്പിക്കാൻ യുഎഇ

കർശനമായ ശിക്ഷകൾ

നിയമലംഘകർ കർശന ശിക്ഷകൾ നേരിടേണ്ടിവരുമെന്ന് സ്‌പോർട്‌സ് ഫെസിലിറ്റീസ് ആൻഡ് ഇവന്റ്‌സിന്റെ സുരക്ഷ സംബന്ധിച്ച ഫെഡറൽ നിയമം ഉദ്ധരിച്ച് അൽ മസ്‌റൂഇ വ്യക്തമാക്കി. അനുവാദമില്ലാതെ ഗ്രൗണ്ടിൽ പ്രവേശിക്കുക, നിരോധിത വസ്തുക്കൾ സ്റ്റേഡിയത്തിലേക്ക് കൊണ്ടുവരികയോ ചെയ്താൽ ഒന്ന് മുതൽ മൂന്ന് മാസം വരെ തടവും 5,000 മുതൽ 30,000 ദിർഹം വരെ പിഴയും ലഭിക്കാം.

അക്രമ വാസന, വസ്തുക്കൾ എറിയുക, വർഗീയമോ അസഭ്യമോ ആയ ഭാഷ ഉപയോഗിക്കുക തുടങ്ങിയവയ്ക്ക് തടവും 10,000 മുതൽ 30,000 ദിർഹം വരെ പിഴയും ശിക്ഷയായി ലഭിക്കും.

ആരാധകർക്കുള്ള നിർദേശങ്ങൾ

ESC കാണികൾക്ക് ചില മാ​ർ​ഗ നിർദേശങ്ങൾ നൽകിയിട്ടുണ്ട്:
1)  മത്സരം തുടങ്ങുന്നതിന് കുറഞ്ഞത് മൂന്ന് മണിക്കൂർ മുമ്പെങ്കിലും സ്റ്റേഡിയത്തിൽ എത്തുക.
2) ഒരു ടിക്കറ്റിന് ഒരു തവണ മാത്രം സ്റ്റേഡിയത്തിൽ പ്രവേശിക്കുക.
3) ടിക്കറ്റുകൾ സാധുവാണെന്ന് ഉറപ്പാക്കുക.
4) നിരോധിത വസ്തുക്കളുടെ പട്ടിക അനുസരിക്കുക.
5) റോഡുകൾ തടസ്സപ്പെടുത്തുന്ന രീതിയിൽ വാഹനങ്ങൾ പാർക്ക് ചെയ്യാതിരിക്കുക.

ALSO READ: മസ്കത്ത് വിമാനത്താവളത്തിൽ 8 കിലോഗ്രാം കഞ്ചാവുമായി ഇന്ത്യക്കാരി പിടിയിൽ; പിടിച്ചെടുത്തത് ബിസ്കറ്റ് പാക്കറ്റുകളിലും ലഘുഭക്ഷണ ടിന്നുകളിലും ഒളിപ്പിച്ചു കടത്താൻ ശ്രമിച്ച കഞ്ചാവ്

നിരോധിത വസ്തുക്കൾ

പടക്കങ്ങൾ, കത്തുന്ന വസ്തുക്കൾ, ലേസർ, കുടകൾ, വലിയ ക്യാമറകൾ, സെൽഫി സ്റ്റിക്കുകൾ, മൂർച്ചയുള്ള വസ്തുക്കൾ, പതാകകൾ, ബാനറുകൾ, വളർത്തുമൃഗങ്ങൾ, റിമോട്ട്-നിയന്ത്രിത ഉപകരണങ്ങൾ, സൈക്കിളുകൾ, സ്‌കൂട്ടറുകൾ, സ്‌കേറ്റ്‌ബോർഡുകൾ, ഗ്ലാസ് വസ്തുക്കൾ എന്നിവയെല്ലാം നിരോധിത വസ്തുക്കളിൽ ഉൾപ്പെടുന്നു.

കാണികൾ, കളിക്കാർ, ഒഫീഷ്യലുകൾ, സ്പോൺസർമാർ തുടങ്ങി എല്ലാവരുടെയും സുരക്ഷ ഉറപ്പാക്കാനാണ് ഈ നിയന്ത്രണങ്ങൾ ഏർപ്പെടുത്തിയിരിക്കുന്നതെന്ന് അൽ മസ്‌റൂഇ വ്യക്തമാക്കി. 

The Dubai Events Security Committee (ESC) has appealed to fans to maintain a high level of sportsmanship and adhere to stadium rules during the highly anticipated India-Pakistan match in the Asia Cup 2025. This match is scheduled to take place on September 14, 2025, at 7:30 PM IST in Dubai.