ഏഷ്യ കപ്പിൽ ക്രിക്കറ്റ് ലോകം ആവേശത്തോടെ കാത്തിരിക്കുന്ന ഇന്ത്യ പാക്കിസ്ഥാൻ പോരാട്ടം സെപ്റ്റംബർ 14നാണ് നടക്കുന്നത്. ആദ്യ മത്സരത്തിൽ യുഎഇക്കെതിരെ നേടിയ വമ്പൻ വിജയത്തിന്റെ കരുത്തിലാണ് സൂര്യകുമാർ യാദവും സംഘവും രണ്ടാം മത്സരത്തിനിറങ്ങുന്നത്. മറുഭാഗത്ത് ഒമാനെ കീഴടക്കിയാണ് പാകിസ്താൻ എത്തുന്നത്.

ഇപ്പോൾ നാളെ നടക്കുന്ന ആവേശകരമായ മത്സരത്തിന് മുന്നോടിയായി ഇന്ത്യക്ക് കനത്ത തിരിച്ചടി. ഇന്ത്യൻ വൈസ് ക്യാപ്റ്റൻ ശുഭ്മൻ ഗില്ലിന്‌ പരിശീലനത്തിനിടെ പരുക്ക് പറ്റിയെന്നാണ് പുറത്തു വരുന്ന റിപ്പോർട്ടുകൾ. പരിശീലനത്തിനിടെ പരുക്ക് പറ്റിയ ഗില്ലിന് ടീം ഫിസിയോ അടിയന്തര ചികിത്സ നൽകിയെങ്കിലും ഗിൽ പരിശീലനത്തിൽ നിന്നും കുറച്ചു സമയം വിട്ടു നിന്നെന്നും എന്നാൽ കുറച്ചു കഴിഞ്ഞു താരം വീണ്ടും പരിശീലനത്തിനായി തിരിച്ചെത്തിയെന്നുമാണ് റിപ്പോർട്ടുകൾ സൂചിപ്പിക്കുന്നത്. ടൈംസ് ഓഫ് ഇന്ത്യയാണ് ഇക്കാര്യം റിപ്പോർട്ട് ചെയ്യുന്നത്.

നാളെ നടക്കുന്ന മത്സരത്തിൽ ഗിൽ കളിച്ചില്ലെങ്കിൽ മലയാളി സൂപ്പർതാരം സഞ്ജു സാംസൺ ഓപ്പണിങ് റോളിലേക്ക് തിരിച്ചെത്തിയേക്കും. ആദ്യ മത്സരത്തിൽ ഗിൽ ഓപ്പണറായി ഇറങ്ങിയതോടെ സഞ്ജു ഫിനിഷിങ് റോളിലാണ് കളിച്ചിരുന്നത്.

ആദ്യ മത്സരത്തിൽ യുഎഇക്കെതിരെ ഒമ്പത് വിക്കറ്റിന്റെ തകർപ്പൻ വിജയമാണ് ഇന്ത്യ സ്വന്തമാക്കിയത്.  മത്സരത്തിൽ ആദ്യം ബാറ്റ് ചെയ്ത യുഎഇ വെറും 58 റൺസിന്‌ പുറത്താവുകയായിരുന്നു. മറുപടി ബാറ്റിങ്ങിന്നിറങ്ങിയ ഇന്ത്യ 4.3 ഓവറിൽ ഒരു വിക്കറ്റ് നഷ്ടത്തിൽ ലക്ഷ്യം മറികടക്കുകയായിരുന്നു.

India has suffered a major setback ahead of tomorrow's Asia Cup match against Pakistan. Reports are coming out that Indian vice-captain Shubman Gill has suffered an injury during training.