ദുബൈ: ഒമാൻ ദേശീയ ഐഡി കാർഡിന്റെയും ഡ്രൈവിംഗ് ലൈസൻസിന്റെയും സർട്ടിഫൈഡ് ഇലക്ട്രോണിക് പതിപ്പുകൾ ഇപ്പോൾ രാജ്യത്ത് നിയമപരമായി അംഗീകരിക്കപ്പെട്ടിട്ടുണ്ടെന്ന പ്രഖ്യാപനവുമായി റോയൽ ഒമാൻ പൊലിസ് (ആർഒപി).

പൗരന്മാർക്കും താമസക്കാർക്കും ഈ രേഖകൾ ഔദ്യോഗിക വെബ്സൈറ്റിലൂടെ നേരിട്ട് ആക്സസ് ചെയ്യാവുന്നതാണ്. മാത്രമല്ല, ഫിസിക്കൽ പതിപ്പുകൾ കൈവശം വയ്ക്കേണ്ട ആവശ്യവുമില്ല ആർഒപി വ്യക്തമാക്കി.

ഇലക്ട്രോണിക് രേഖകൾക്ക് അവയുടെ ഹാർഡ് കോപ്പി പതിപ്പിന് തുല്യമായ നിയമസാധുതയുണ്ട്, ഡിജിറ്റൽ ഐഡന്റിറ്റി പ്രോജക്ട് മാനേജറായ ഫസ്റ്റ് ലെഫ്റ്റനന്റ് സലേം ബിൻ സഈദ് അൽ ഫാർസി വ്യക്തമാക്കി.

ALSO READ: മൂന്ന് ദിവസമായി മാറ്റമില്ലാതെ സ്വർണവില; 22 കാരറ്റിന് 406.25 ദിർഹം, 24 കാരറ്റിന്  438.75 ദിർഹം

ഔദ്യോഗിക സാഹചര്യങ്ങളിൽ പോലും ഇലക്ട്രോണിക് പതിപ്പ് ഉപയോഗിക്കാനാവും, കാരണം ഇത് നിയമപരമായി അംഗീകരിക്കപ്പെട്ടിട്ടുണ്ട്, അൽ ഫാർസി കൂട്ടിച്ചേർത്തു. ഉദാഹരണമായി, ഒരു സർക്കാർ സ്ഥാപനത്തിനോ പൊലിസ് പട്രോളിനോ മുമ്പാകെ തിരിച്ചറിയൽ രേഖകൾ ഹാജരാക്കുമ്പോൾ, ഇലക്ട്രോണിക് പതിപ്പ് മതി ഒറിജിനൽ ഹാജരാക്കേണ്ട ആവശ്യമില്ല. 

ഒമാൻ അധികൃതർ പറയുന്നതനുസരിച്ച്, സേവനങ്ങൾ കാര്യക്ഷമമാക്കുന്നതിനും സൗകര്യം വർധിപ്പിക്കുന്നതിനുമുള്ള ശ്രമങ്ങളുടെ ഭാഗമാണ് ഈ നടപടി. ഇത് സർവിസ് സെന്ററുകളിലേക്കുള്ള സന്ദർശനങ്ങളുടെ ആവശ്യകത കുറയ്ക്കും. 

The Royal Oman Police (ROP) has announced that certified electronic versions of the Oman National ID card and driving license are now legally recognized in the country. This move aims to enhance the digital transformation of services and improve convenience for citizens and residents.