ദുബൈ: പത്തോളം പബ്ലിക് ബെനിഫിറ്റ് അസോസിയേഷനുകളെ പിരിച്ചുവിട്ട് അവയുടെ ആസ്തികൾ ജപ്തി ചെയ്യാനായി ഒരു സമിതിയെ ചുമതലപ്പെടുത്തി കുവൈത്ത്. ഈ സംഘടനകളുടെ ബോർഡ് അംഗങ്ങളും ജീവനക്കാരും ഫണ്ടുകൾ കൈകാര്യം ചെയ്യുന്നതോ ഇടപാടുകൾ നടത്തുന്നതോ നിരോധിക്കുകയും ചെയ്തതായി അൽ ഖബാസ് അറബിക് ദിനപത്രം ഇക്കാര്യം റിപ്പോർട്ട് ചെയ്തു.

സാമൂഹിക-കുടുംബ-ശിശുക്ഷേമ മന്ത്രി ഡോ. അംതാൽ അൽ ഹുവൈലയാണ് ഈ ഉത്തരവിറക്കിയത്. സർക്കാർ ഗസറ്റിൽ പ്രസിദ്ധീകരിച്ച ഔദ്യോഗിക ഉത്തരവ് പ്രകാരം, പിരിച്ചുവിട്ട സംഘടനകളുടെ ഡയറക്ടർ ബോർഡുകളും ജീവനക്കാരും ആസ്തികളോ രേഖകളോ കൈകാര്യം ചെയ്യുന്നത് വിലക്കിയിട്ടുണ്ട്.

അവർ കൈവശം വച്ചിരിക്കുന്ന എല്ലാ ആസ്തികളും രേഖകളും ജപ്തി നടപടികൾക്കായി മന്ത്രാലയം നിയോഗിച്ച ഉദ്യോഗസ്ഥർക്ക് കൈമാറണം.

ALSO READ: ഡിജിറ്റൽ ഐഡി കാർഡുകളും ഡ്രൈവിംഗ് ലൈസൻസുകളും നിയമപരമായി അം​ഗീകരിച്ച് ഒമാൻ; രേഖകൾ ഔദ്യോഗിക വെബ്‌സൈറ്റ് വഴി ആക്സസ് ചെയ്യാം

ഈ തീരുമാനം ബാധിക്കുന്ന 10 സംഘടനകൾ

1) മൈ മദർ മൈ ഹെവൻ വുമൻസ് അസോസിയേഷൻ
2) കുവൈത്ത് നാഷണൽ ബ്രദർഹുഡ് സൊസൈറ്റി
3) കുവൈത്ത് ചാരിറ്റി ഫോറം അസോസിയേഷൻ
4) സ്പോർട്സ് സ്ട്രാറ്റജിക് പ്ലാനിങ് അസോസിയേഷൻ
5) കുവൈത്ത് ഫുഡ് ന്യൂട്രിക്ഷൻ അസോസിയേഷൻ 
6) കുവൈത്ത് സൊസൈറ്റി ഫോർ സ്ട്രാറ്റജിക് പ്ലാനിങ്ങ്
7) കുവൈത്ത് ട്രാൻസിലേറ്റേഴ്സ് അസോസിയേഷൻ
8) കുവൈത്ത് അറേബ്യൻ ഹോഴ്സസ് സൊസൈറ്റി
9) കുവൈത്ത് ഹിസ്റ്റോറിക്കൽ സൊസൈറ്റി
10) കുവൈത്ത് പ്രോജക്ട് മാനേജ്മെന്റ് അസോസിയേഷൻ

പിരിച്ചുവിടലിന്റെ കാരണങ്ങളെക്കുറിച്ച് മന്ത്രാലയം വിശദീകരണങ്ങൾ നൽകിയിട്ടില്ല. അതേസമയം, ലിക്വിഡേഷൻ സമിതി ആസ്തികളും രേഖകളും നിയമ നടപടിക്രമങ്ങൾക്കനുസരിച്ച് കൈമാറ്റം ചെയ്യുമെന്ന് വ്യക്തമാക്കി.

The Kuwait Ministry of Finance and Social Affairs has dissolved 11 public benefit associations due to repeated non-compliance with regulations. A committee has been formed to inventory and seize the assets of these associations ¹.