കുവൈത്ത് സിറ്റി: മൂവായിരം കുവൈത്തി ദീനാറില്‍ കൂടുതല്‍ മൂല്യമുള്ള കറന്‍സി, സ്വര്‍ണാഭരണങ്ങള്‍ തുടങ്ങിയ വസ്തുക്കള്‍ കൈവശം വയ്ക്കുന്ന യാത്രക്കാര്‍ കസ്റ്റംസ് ഡിക്ലറേഷന്‍ സമര്‍പ്പിക്കണമെന്ന് നിര്‍ദേശം. കുവൈത്തിലേക്ക് വരികയും കുവൈത്തില്‍ നിന്ന് പോകുകയും ചെയ്യുന്ന യാത്രക്കാര്‍ക്കാക്കും നിയമം ബാധകമാകുക. കുവൈത്ത് ആഭ്യന്തര മന്ത്രാലയത്തിന്റേതാണ് നിര്‍ദേശം.

ALSO READ: സ്വര്‍ണവിലയില്‍ ഇന്ന് ഇടിവ്; കുതിക്കാനുള്ള കിതപ്പോ..,അറിയാം  

മൂവായിരം കുവൈത്തി ദീനാറില്‍ കൂടുതല്‍ വിലയുള്ള സ്വര്‍ണമോ പണമോ മറ്റ് അമൂല്യമായ വസ്തുക്കളോ ഉള്‍പ്പെടെയുള്ളവയുടെ വിവരങ്ങള്‍ എയര്‍പ്പോട്ടിലെ ഫിനാന്‍ഷ്യല്‍ ഇന്‍വെസ്റ്റിഗേഷന്‍ വകുപ്പിനെ അറിയിച്ചിരിക്കണം. സ്വര്‍ണം കൊണ്ടുള്ള വാച്ചോ കോയിനോ ബാറോ ആയാലും ഇക്കാര്യം ഡിക്ലറേഷനില്‍ വ്യക്തമാക്കണം.

ഗോള്‍ഡ് ബാര്‍ കൈവശം വെച്ചിരിക്കുന്ന യാത്രക്കാര്‍ എയര്‍പ്പോട്ടിലെ ടെര്‍മിനല്‍ 4-ലെ കെട്ടിടത്തിലുള്ള എയര്‍ കാര്‍ഗോ വകുപ്പില്‍ നിന്ന് രേഖ വാങ്ങിയിരിക്കണം. കുവൈത്തില്‍ നിന്ന് പുറത്തേക്ക് പോകുന്നവരുടെ കൈവശം സ്വര്‍ണാഭരണങ്ങള്‍, വാച്ച് തുടങ്ങി മൂവായിരം കുവൈത്തി ദീനാറില്‍ കൂടുതല്‍ വിലയുള്ള വസ്തുക്കള്‍ ഉണ്ടെങ്കില്‍ ഡിപ്പാര്‍ച്ചര്‍ ടെര്‍മിനലില്‍ നിന്ന് ലഭിക്കുന്ന രേഖ കൈവശം വയ്ക്കണം. കുവൈത്തിലേക്ക് തിരികെ വരുമ്പോള്‍ ഈ രേഖ കാണിക്കണം.

ALSO READ: വില കുത്തനെ ഉയര്‍ന്നിട്ടും യുഎഇയില്‍ സ്വര്‍ണ വില്‍പ്പന തകൃതി; കാരണം ഇത് 

തീവ്രവാദ ധനസഹായം, കള്ളപ്പണം വെളുപ്പിക്കല്‍ എന്നീ നിയമ വിരുദ്ധ പ്രവൃത്തികള്‍ക്കെതിരായ നടപടികള്‍ കര്‍ശനമാക്കുന്നതിന്റെ ഭാഗമായാണ് ഡിക്ലറേഷന്‍ നിര്‍ബന്ധമാക്കിയിരിക്കുന്നത്. നിയമം തെറ്റിച്ചാല്‍ പിഴ ചുമത്തുകയും അമൂല്യമായ വസ്തുക്കള്‍ കണ്ടുകെട്ടുകയും ചെയ്യും.

Travelers departing Kuwait with gold coins, bars, jewelry, or valuables over KWD 3,000 must declare them at customs to avoid penalties. Obtain a customs declaration form or permission from the Air Cargo Customs Department, along with ownership invoices. Carry items in hand luggage for smooth exit. Stay compliant with 2025 rules.