ഗുവാഹത്തി: മുസ്‌ലിങ്ങള്‍ക്കെതിരെ അധിക്ഷേപ എഐ വീഡിയോ പുറത്തിറക്കി അസം ബിജെപി. മുസ്‌ലിങ്ങളെല്ലാം അനധികൃത കുടിയേറ്റക്കാരാണെന്നും, ബിജെപി ഇല്ലായിരുന്നെങ്കില്‍ വടക്ക് കിഴക്കന്‍ സംസ്ഥാനങ്ങള്‍ മുസ്‌ലിങ്ങള്‍ എന്നേ പിടിച്ചടക്കുമെന്നും വീഡിയോയില്‍ പറയുന്നു. ബിജെപിയുടെ ഔദ്യോഗിക എക്‌സ് പേജിലാണ് വീഡിയോ ഷെയര്‍ ചെയ്തിട്ടുള്ളത്. 

സെപ്റ്റംബര്‍ 15ന് പുറത്തുവിട്ട വീഡിയോയുടെ തലക്കെട്ട് ' മുസ് ലിങ്ങളുടെ ആ സ്വപ്‌നം പൂവണിയാന്‍ ഞങ്ങള്‍ സമ്മതിക്കില്ല' എന്നാണ്. അയല്‍രാജ്യങ്ങള്‍ വഴി നിയമവിരുദ്ധ കുടിയേറ്റക്കാര്‍ക്ക് എളുപ്പത്തില്‍ അസമിലെത്താമെന്ന് വീഡിയോയിലെ ചില രംഗങ്ങളില്‍ പരാമര്‍ശമുണ്ട്. ഹിന്ദുക്കളുടെ ഭൂമി മുസ് ലിങ്ങള്‍ കയ്യേറുന്നു. ബിജെപിയില്ലായിരുന്നെങ്കില്‍ സംസ്ഥാനത്തെ ജനസംഖ്യയില്‍ 90 ശതമാനവും മുസ് ലിങ്ങളായി മാറുമായിരുന്നു. എന്നിങ്ങനെയാണ് വീഡിയോയിലെ പരാമര്‍ശങ്ങള്‍. അവസാനം നിങ്ങളുടെ ഓരോ വോട്ടും ശ്രദ്ധയോടെ വിനിയോഗിക്കണമെന്ന മുന്നറിയിപ്പ് കൂടി നല്‍കിയാണ് വീഡിയോ അവസാനിക്കുന്നത്. 

2026ല്‍ നിയമസഭാ തെരഞ്ഞെടുപ്പ് നടക്കുന്ന സംസ്ഥാനമാണ് അസം. തെരഞ്ഞെടുപ്പ് മുന്നില്‍ കണ്ട് ജനങ്ങള്‍ക്കിടയില്‍ ഭീതി വിതച്ച് വോട്ട് കൊയ്യാമെന്നാണ് ബിജെപി കണക്കുകൂട്ടുന്നത്. ഇതിനോടകം 2.5 ദശലക്ഷം ആളുകള്‍ വീഡിയോ കണ്ടിട്ടുണ്ട്.

ALSO READ: ഗ്യാസ് പൈപ്പ് എലി കടിച്ചുകീറി: വാതക ചോര്‍ച്ചയെ തുടര്‍ന്ന് സ്‌ഫോടനം; വീട്ടുജോലിക്കാരി അതീവ ​ഗുരുതരാവസ്ഥയിൽ