തെല്‍ അവീവ്: ഗസ്സയില്‍ വന്‍ റിയല്‍ എസ്റ്റേറ്റ് ബിസിനസ് ആണ് ഇസ്‌റാഈല്‍ ലക്ഷമിടുന്നതെന്ന് തുറന്നു പറഞ്ഞ് ധനമന്ത്രിയും തീവ്രവലതുപക്ഷനേതാവുമായ ബെസാലേല്‍ സ്‌മോട്രിച്ച്. ഗസ്സ എന്ന തീരദേശ ഭൂമിയെ എങ്ങനെ വിഭജിക്കണമെന്ന ചര്‍ച്ചകളാണ് ഇപ്പോള്‍ അമേരിക്കക്കാരുമായി നടക്കുന്നതെന്നും സ്‌മോട്രിച്ച് പറഞ്ഞു. റിയല്‍ എസ്റ്റേറ്റ്  രംഗത്ത് വന്‍ ഭാഗ്യമാണ്. വന്‍ ലാഭം നല്‍കുന്ന ഭാഗ്യം. സ്‌മോട്രിച്ച് ചൂണ്ടിക്കാട്ടി. 

'ഈ യുദ്ധത്തിനായി ഞങ്ങള്‍ ധാരാളം പണം ചെലവഴിച്ചു. ഭൂമി എങ്ങനെ ശതമാനമായി വിഭജിക്കുന്നുവെന്നതിനെ കുറിച്ചാണ് ഇനി ചിന്തിക്കോണ്ടത്. സ്‌മോട്രിച്ച് പറയുന്നു, 'നഗരത്തിന്റെ നവീകരണത്തിന്റെ ആദ്യ ഘട്ടമായ പൊളിക്കല്‍ ഞങ്ങള്‍ ഇതിനകം ചെയ്തു കഴിഞ്ഞു. ഇനി നിര്‍മാണമാണ്- ധനമന്ത്രി വ്യക്തമാക്കി. 

യു.എസ് നിയന്ത്രണത്തിലുള്ള ഒരു പ്രദേശമാക്കി ഗസ്സയെ മാറ്റുന്നതിനുള്ള ആഗ്രഹം നേരത്തെ യു.എസ് പ്രസിഡന്റ് ഡൊണാള്‍ഡ് ട്രംപ് പരസ്യമായി പ്രകടിപ്പിച്ചിരുന്നു. എന്നാല്‍ ട്രംപിന്റെ ഈ ആഗ്രഹത്തിനെതിരെ ശക്തമായ എതിര്‍പ്പുമായി ഫലസതീനികളും അറബ് രാജ്യങ്ങളും ലോക രാജ്യങ്ങളില്‍ വലിയൊരു വിഭാഗവും രംഗത്തെത്തി. 

ALSO READ: ആക്രമണം ശേഷിക്കുന്ന ആശുപത്രികള്‍ക്ക് നേരേയും വ്യാപിപ്പിച്ച് ഇസ്‌റാഈല്‍, ഇന്ന് രാവിലെ മുതല്‍ കൊല്ലപ്പെട്ടത് 83 പേര്‍, കുട്ടികളുടെ ആശുപത്രിക്ക് നേരെ ബോംബ് വര്‍ഷിച്ചത് മൂന്ന് തവണ

എന്നാല്‍ ഗസ്സ മുനമ്പ് പുനഃസ്ഥാപിക്കാനുള്ള യാതൊരു പദ്ധതിയും ഇസ്‌റാഈലിന് ഇല്ലെന്നായിരുന്നു  പ്രധാനമന്ത്രി ബെഞ്ചമിന്‍ നെതന്യാഹു പറഞ്ഞത്.  എന്നാല്‍ സ്‌മോട്രിച്ച് ഉള്‍പ്പെടെയുള്ള അദ്ദേഹത്തിന്റെ സര്‍ക്കാരിലെ തീവ്ര വലതുപക്ഷ അംഗങ്ങള്‍ അതിനുള്ള പദ്ധതികളുമായി സജീവമായി മുന്നോട്ട് പോവുകയും ചെയ്തു. 

ഇസ്‌റാഈല്‍ വര്‍ദ്ധിച്ചുവരുന്ന ഒറ്റപ്പെടലിനെ നേരിടുകയാണെന്നും ഒരു സ്വാശ്രയ സമ്പദ്വ്യവസ്ഥയായി മാറേണ്ടിവരുമെന്നുമുള്ള  നെതന്യാഹുവിന്റെ പ്രസ്താവനയെ സ്‌മോട്രിച്ച് നിരാകരിക്കുകയും ചെയ്തിരുന്നു.

'പ്രധാനമന്ത്രിയുടെ വാക്കുകളോട് ഞാന്‍ യോജിക്കുന്നില്ല, സ്പാര്‍ട്ടയുമായുള്ള താരതമ്യം എനിക്ക് ശരിക്കും ഇഷ്ടപ്പെട്ടില്ല,' സ്‌മോട്രിച്ച് പറയുന്നു.

നെതന്യാഹുവിന്റെ അഭിപ്രായങ്ങള്‍ പ്രതിപക്ഷ നേതാക്കളില്‍ നിന്ന് മാത്രമല്ല ബിസിനസുകാരില്‍ നിന്നും കടുത്ത വിമര്‍ശനത്തിന് കാരണമായിരുന്നു.  ടെല്‍ അവീവ് സ്റ്റോക്ക് എക്‌സ്‌ചേഞ്ചിലെ ഓഹരികളുടെ മൂല്യത്തില്‍ ഇടിവ് ഉണ്ടാവാന്‍ വരെ ഈ പരാമര്‍ശം ഇടയാക്കിയിരുന്നു.

israel’s finance minister reveals ongoing discussions with the us about how to divide gaza after the war. he claims the plan involves displacing palestinians to generate massive profits through real estate development.