മസ്കത്ത്: രാജകീയ ചിഹ്നങ്ങൾ, രാജകൊട്ടാരങ്ങളുടെ ദൃശ്യങ്ങൾ തുടങ്ങിയവ വാണിജ്യ ആവശ്യങ്ങൾക്കായി ഉപയോഗിക്കുന്നതിനെതിരെ മുന്നറിയിപ്പുമായി ഒമാൻ മിനിസ്ട്രി ഓഫ് കോമേഴ്‌സ്, ഇൻഡസ്ട്രി ആൻഡ് ഇൻവെസ്റ്റ്‌മെന്റ് പ്രമോഷൻ. ചൊവ്വാഴ്ചയാണ് (2025 സെപ്റ്റംബർ 16) മന്ത്രാലയം ഇത് സംബന്ധിച്ച അറിയിപ്പ് പുറത്തിറക്കിയത്. 

ഒമാൻ ദേശീയ ദിനാഘോഷങ്ങളുമായി ബന്ധപ്പെട്ട് ഉൽപ്പന്നങ്ങളുടെയും സേവനങ്ങളുടെയും വിപണനത്തിനായുള്ള പരസ്യങ്ങളിൽ പാലിക്കേണ്ട മാർഗനിർദ്ദേശങ്ങൾ വ്യക്തമാക്കിക്കൊണ്ടാണ് മന്ത്രാലയം ഈ മുന്നറിയിപ്പ് നൽകിയത്. ഇത്തരം പരസ്യങ്ങളിലും പ്രചാരണ പരിപാടികളിലും 'നാഷണൽ ഡേ' എന്ന പദം മാത്രമേ ഉപയോഗിക്കാവൂ എന്ന് മന്ത്രാലയം നിർദ്ദേശിച്ചു.

രാജകീയ ചിഹ്നങ്ങൾ, രാജകൊട്ടാരങ്ങളുടെ ചിത്രങ്ങൾ, രാജകീയ മസ്ജിദുകളുടെ ദൃശ്യങ്ങൾ എന്നിവ വാണിജ്യ ആവശ്യങ്ങൾക്കായി ഉപയോഗിക്കുന്നത് കർശനമായി നിരോധിച്ചിട്ടുണ്ട്. ഇത്തരം കാര്യങ്ങൾ ഉപയോ​ഗിക്കണമെങ്കിൽ മന്ത്രാലയത്തിൽ നിന്ന് മുൻകൂർ അനുമതി നേടണമെന്നും അറിയിച്ചിട്ടുണ്ട്.

ALSO READ: ദുബൈയില്‍ അധ്യാപന ജോലി നോക്കുന്നവര്‍ തിരയുന്ന 5 പ്രധാന ചോദ്യങ്ങളും ഉത്തരങ്ങളും | Tips for Dubai Teaching Jobs

ഉപയോ​ഗിക്കാൻ അനുവാദമില്ലാത്തവ

1) ഒമാൻ സുൽത്താന്റെ ചിത്രം
2) ദേശീയ ചിഹ്നം
3) ദേശീയ പതാക
4) രാജ്യത്തിന്റെ ഭൂപടം

ഈ ചിഹ്നങ്ങൾ ഉപയോഗിക്കുന്നതിന് മന്ത്രാലയത്തിൽ നിന്ന് പ്രത്യേക ലൈസൻസിനായി അപേക്ഷിക്കേണ്ടതാണ്. ഈ നിർദ്ദേശങ്ങൾ പാലിക്കാത്തവർക്കെതിരെ നിയമനടപടികൾ സ്വീകരിക്കുമെന്നും മന്ത്രാലയം മുന്നറിയിപ്പ് നൽകി.

The Ministry of Commerce, Industry, and Investment Promotion in Oman has issued a strict warning against the unauthorized use of royal symbols, including the royal emblem, images of royal palaces, and pictures of royal mosques, for commercial purposes. Private institutions, commercial companies, and social media accounts are prohibited from using these symbols without prior licenses.