തലശ്ശേരി: ഉത്തരകേരള കവിതാ സാഹിത്യവേദി ഏര്‍പ്പെടുത്തിയ ബിഷപ്പ് വള്ളോപ്പിള്ളി സ്മാരക പുരസ്‌ക്കാരത്തിന് ഫാ.റവ.ഡോ.ജി.എസ് ഫ്രാന്‍സിസിനെ തെരഞ്ഞെടുത്തതായി ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
സെപ്റ്റംബര്‍ 11 ന് ഉച്ചക്ക് രണ്ട് മണിക്ക് കണ്ണൂര്‍ ജില്ലാ ലൈബ്രറി കൗണ്‍സില്‍ ഹാളില്‍ നടക്കുന്ന ഓണാഘോഷ സാഹിത്യ സമ്മേളനത്തില്‍ മന്ത്രി രാമചന്ദ്രന്‍ കടന്നപ്പള്ളി പുരസ്‌ക്കാരം സമര്‍പ്പിക്കും.
തലശ്ശേരിയിലെ സാമൂഹ്യ രംഗങ്ങളില്‍ വ്യക്തി മുദ്ര പതിപ്പിച്ച വ്യക്തിയെന്ന നിലയിലും ആദിവാസി മേഖലയില്‍ ഡോ.ഫ്രാന്‍സിസ് നടത്തിയ സേവനങ്ങളും പരിഗണിച്ചാണ് അവാര്‍ഡ് നല്‍കുന്നതെന്ന് സംഘാടകര്‍ അറിയിച്ചു.
പുരസ്‌ക്കാര ദാന ചടങ്ങില്‍ ഡോ.എന്‍.കെ ശശീന്ദ്രന്‍ , ടി.പി.ആര്‍ നാഥ്, പ്രൊഫ.മുഹമ്മദ് അഹമ്മദ്,ഡോ.കുമുള്ളി ശിവരാമന്‍ സംസാരിക്കും.വാര്‍ത്താ സമ്മേളനത്തില്‍ കവിയൂര്‍ രാജഗോപാലന്‍, ആര്‍ട്ടിസ്റ്റ് ശശികല, സൗമി മട്ടന്നൂര്‍, അഡ്വ.പി.കെ രവീന്ദ്രന്‍, ചന്ദ്രന്‍ മന്ന പങ്കെടുത്തു.