ബെംഗളൂരു: കോൺഗ്രസ് അധ്യക്ഷൻ മല്ലികാർജുൻ ഖാർഗെയെ ആശുപത്രിയിൽ പ്രവേശിപ്പിച്ചതായി പാർട്ടി വൃത്തങ്ങൾ അറിയിച്ചു. പനിയും ശ്വാസതടസ്സവും മൂലമാണ് അദ്ദേഹത്ത ആശുപത്രിയിൽ പ്രവേശിപ്പിച്ചത്. ബെംഗളൂരു നഗരത്തിലെ എംഎസ് രാമയ്യ ആശുപത്രിയിലാണ് അദ്ദേഹത്തെ പ്രവേശിപ്പിച്ചത്. ആരോഗ്യസ്ഥിതിയിൽ ആശങ്കപ്പെടേണ്ട സാഹചര്യമില്ല.

83 വയസുകാരനായ മല്ലികാർജുൻ ഖാർഗെയെ ചൊവ്വാഴ്ചയാണ് പനി ബാധിച്ചതിനെ തുടർന്ന് ആശുപത്രിയിൽ പ്രവേശിപ്പിച്ചത്. കാലിന് വേദനയുണ്ടെന്ന് അദ്ദേഹം പറഞ്ഞതായി ഡോക്ടർമാർ അറിയിച്ചു. അദ്ദേഹം സുഖമായിരിക്കുന്നു, വിഷമിക്കേണ്ട കാര്യമില്ല. ഡോക്ടർമാർ അദ്ദേഹത്തെ നിരീക്ഷിച്ചുകൊണ്ടിരിക്കുകയാണ് എന്ന് ഒരു കോൺഗ്രസ് നേതാവ് പിടിഐയോട് പറഞ്ഞു. 

സെപ്റ്റംബർ 24-ന് പട്‌നയിൽ നടന്ന കോൺഗ്രസ് പ്രവർത്തക സമിതിയുടെ യോഗത്തിൽ മല്ലികാർജുൻ ഖാർഗെ പങ്കെടുത്തിരുന്നു. ഒക്ടോബർ 7-ന് നാഗാലാൻഡിലെ കൊഹിമയിൽ നടക്കുന്ന പൊതു റാലിയിൽ അദ്ദേഹം പങ്കെടുക്കുമെന്ന് പാർട്ടിവൃത്തങ്ങൾ നേരത്തെ അറിയിച്ചിരുന്നു. എന്നാൽ നിലവിലെ അവസ്ഥയിൽ പങ്കെടുക്കുമോ എന്ന കാര്യത്തിൽ വ്യക്തതയില്ല