അബൂദബി: കേരളത്തില്‍ നിന്ന് ഗള്‍ഫ് നഗരങ്ങളിലേക്കും തിരിച്ചുമുള്ള എയര്‍ ഇന്ത്യ എക്‌സ്പ്രസ് ഫ്‌ലൈറ്റ് സര്‍വീസുകള്‍ റദ്ദാക്കിയ നീക്കത്തിനെതിരെ പ്രതിഷേധം ശക്തമാണ്. മുമ്പ് വലിയ തരത്തിലുള്ള സമരങ്ങളിലൂടെ നേടിയെടുത്ത സര്‍വീസുകള്‍ യാതൊരു തരത്തിലുള്ള ചിന്തകളുമില്ലാതെ നിര്‍ത്തലാക്കുന്നത് ധിക്കാരപരമായ നടപടിയാണെന്ന് വിവിധ പ്രവാസി സംഘടനാ ഭാരവാഹികള്‍ വ്യക്തമാക്കി.

ALSO READ: ശൈത്യകാലം: ലണ്ടൻ ഹീത്രോയിലേക്ക് ആഴ്ചയിൽ ആറ് അധിക ഫ്ലൈറ്റുകൾ കൂടി കൂട്ടിച്ചേർത്ത് എമിറേറ്റ്സ് 

വിമാന ടിക്കറ്റ് നിരക്കില്‍ വലിയ ബുദ്ധിമുട്ട് അനുഭവിക്കുന്ന പ്രവാസികള്‍ക്ക് ഇരുട്ടടിയാണ് എയര്‍ ഇന്ത്യ എക്‌സ്പ്രസിന്റെ ഈ നീക്കം. എയര്‍ ഇന്ത്യ എക്‌സ്പ്രസ് വിമാനങ്ങള്‍ പിന്മാറുന്നതോടെ ടിക്കറ്റ് നിരക്ക് കുത്തനെ ഉയര്‍ന്നേക്കും. പ്രശ്‌നത്തില്‍ കേന്ദ്ര സര്‍ക്കാരും സംസ്ഥാന സര്‍ക്കാരും അടിയന്തരമായി ഇടപെടണമെന്ന് വിവിധ സംഘടനകള്‍ ആവശ്യപ്പെട്ടു. ഒക്ടോബര്‍ 26 മുതലുള്ള പട്ടികയിലാണ് ഗള്‍ഫ്-കേരള സെക്ടറുകളില്‍ നിന്നുള്ള ഫ്‌ലൈറ്റ് സര്‍വീസുകള്‍ അപ്രത്യക്ഷമായത്. ഗള്‍ഫ് സെക്ടറുകളിലെ എയര്‍ ഇന്ത്യ എക്‌സ്പ്രസിന്റെ സര്‍വീസുകള്‍ ലാഭകരമായിരുന്നെന്നും എയര്‍ ഇന്ത്യ എക്‌സ്പ്രസ് പിന്മാറിയതിന് പിന്നാലെ മിക്ക എയര്‍ലൈനുകളും ടിക്കറ്റ് നിരക്ക് വര്‍ധിപ്പിച്ചെന്നും ഒരു പ്രവാസി സംഘടനാ നേതാവ് പറഞ്ഞു.

റദ്ദാക്കിയ എയര്‍ ഇന്ത്യ എക്‌സ്പ്രസ് സര്‍വീസുകള്‍

കോഴിക്കോട്

• കോഴിക്കോട്-അബൂദബി ആഴ്ചയിലെ 7 സര്‍വീസ് റദ്ദാക്കി
• കോഴിക്കോട്-ഷാര്‍ജ 9 സര്‍വീസ് ഉണ്ടായിരുന്നത് 6 ആക്കി ചുരുക്കി
• കോഴിക്കോട്-റാസല്‍ഖൈമ 7 സര്‍വീസില്‍ നിന്ന് 4 ആക്കി
• കോഴിക്കോട്-മസ്‌കത്ത് 7 സര്‍വീസില്‍ നിന്ന് മൂന്നാക്കി കുറച്ചു
• കോഴിക്കോട്-കുവൈത്ത് സര്‍വീസ് നിര്‍ത്തലാക്കും
• കോഴിക്കോട്-ദമാം ആഴ്ചയിലെ 7 സര്‍വീസ് മൂന്നാക്കി

കൊച്ചി

• കൊച്ചി-അബൂദബി 7 സര്‍വീസില്‍ നിന്ന് നാലാക്കി
• കൊച്ചി-ദുബൈ 7 സര്‍വീസില്‍ നിന്ന് ആറാക്കി
• കൊച്ചി-സലാല സര്‍വീസും കൊച്ചി റിയാദ് സര്‍വീസും നിര്‍ത്തലാക്കും
• കൊച്ചി-മനാമ 4 സര്‍വീസ് രണ്ടാക്കി

തിരുവനന്തപുരം

• തിരുവനന്തപുരം-അബൂദബി സര്‍വീസ് റദ്ദാക്കും
• തിരുവനന്തപുരം-ദുബൈ സര്‍വീസ് റദ്ദാക്കും
• തിരുവനന്തപുരം-ഷാര്‍ജ 7 സര്‍വീസില്‍ നിന്ന് 5 ആക്കും
• തിരുവനന്തപുരം-മസ്‌കത്ത് സര്‍വീസ് നാലാക്കി
• തിരുവനന്തപുരം-ദോഹ നാല് സര്‍വീസ് രണ്ടാക്കും
• തിരുവനന്തപുരം-മനാമ റൂട്ടില്‍ ഒരു സര്‍വീസ് കുറച്ചു
• തിരുവനന്തപുരം-റിയാദ് ഒരൊറ്റ സര്‍വീസാക്കി

കണ്ണൂര്‍

• കണ്ണൂര്‍-അബൂദബി 10ല്‍ നിന്ന് 7 സര്‍വീസാക്കി
• കണ്ണൂര്‍-ദുബൈ 8 സര്‍വീസില്‍ നിന്ന് 7 ആക്കും
• കണ്ണൂര്‍-ഷാര്‍ജ 12ല്‍ നിന്ന് 7 സര്‍വീസാക്കും
• കണ്ണൂര്‍-റാസല്‍ഖൈമ 3 സര്‍വീസില്‍ നിന്ന് രണ്ടാക്കും
• കണ്ണൂര്‍-മസ്‌കത്ത് സര്‍വീസ് 7ല്‍ നിന്ന് നാലാക്കി
• കണ്ണൂര്‍-ബഹ്‌റൈന്‍ സര്‍വീസ് റദ്ദാക്കി
• കണ്ണൂര്‍-ജിദ്ദ സര്‍വീസും കണ്ണൂര്‍-ദമാം സര്‍വീസും കണ്ണൂര്‍-കുവൈത്ത് സര്‍വീസും റദ്ദാക്കി.

air india express reduces flights to gulf countries, sparking strong backlash from passengers and unions; explore the reasons behind the move and rising demands for reversal in this ongoing aviation dispute.