ലഖ്നൗ: ഉത്തര്‍പ്രദേശില്‍ വീണ്ടും മുസ്‌ലിം പള്ളി പൊളിക്കുന്നു. സംഭലിലെ റയബുസൂര്‍ഗ് ഗ്രാമത്തിലെ പള്ളിയാണ് പൊളിക്കുന്നത്.അനധികൃത നിര്‍മാണമെന്ന് ചൂണ്ടിക്കാട്ടിയാണ് 10 വര്‍ഷം മുന്‍പ് നിര്‍മിച്ച പള്ളി പൊളിക്കുന്നത്.

സംഘര്‍ഷ സാധ്യത കണക്കിലെടുത്ത് വന്‍ പൊലിസ് സന്നാഹം ഒരുക്കിയിട്ടുണ്ട്. പള്ളി പൊളിക്കുന്നത് സംബന്ധിച്ച് 30 ദിവസം മുമ്പ് നോട്ടിസ് നല്‍കിയിരുന്നുവെന്നാണ്  ാെലീസ് പറയുന്നത്. ബുള്‍ഡോസര്‍ ഉപയോഗിച്ചാണ് പൊളിക്കല്‍ നടപടികള്‍ നടക്കുന്നത്.

ALSO READ: ബീഹാറിലെ അന്തിമ വോട്ടർ പട്ടികയിൽ കള്ളവോട്ടുകളുണ്ട്; വിമർശനവുമായി കോൺഗ്രസ്

മസ്ജിദിന്റെ ഒരു ഭാഗം സമീപത്തെ തടാകത്തിനരികിലായാണ് നിര്‍മിച്ചിരിക്കുന്നതെന്നാണ് അധികൃതര്‍ പറയുന്നത്.  സമീപത്തെ കല്യാണ മണ്ഡപവും പൊളിച്ചുനീക്കുന്നുണ്ട്. വളരെക്കാലമായി ഭൂമി അനധികൃതമായി കൈവശപ്പെടുത്തിയിരിക്കുകയായിരുന്നുവെന്നും നോട്ടിസ് നല്‍കിയിട്ടും അനധികൃത നിര്‍മാണം നീക്കിയില്ലെന്നുമാണ് അധികൃതരുടെ ആരോപണം. സര്‍ക്കാര്‍ ഭൂമിയിലെ ഏതെങ്കിലും തരത്തിലുള്ള നിയമവിരുദ്ധമായ കൈയേറ്റമോ നിര്‍മാണമോ അനുവദിക്കില്ലെന്ന് അധികൃതര്‍ പറയുന്നു.

അസ്മോലി പൊലിസ് സ്റ്റേഷന്‍ പരിധിയിലാണ് പള്ളി പൊളിച്ചുനീക്കുന്നത്. ഡ്രോണ്‍ കാമറയുടെ സഹായത്തോടെ പ്രദേശങ്ങള്‍ പൊലിസ് നിരീക്ഷിക്കുന്നുണ്ടെന്നും റിപ്പോര്‍ട്ടുകളുണ്ട്.

a mosque built 10 years ago in sambhal's raibhoosurg village, uttar pradesh, was demolished by authorities citing illegal construction near a lake. heavy police presence ensured amid potential tensions.