കുഞ്ഞുങ്ങളെ കുളിപ്പിച്ച് പൗഡറിട്ട് ഒരുക്കുന്നത് അമ്മമാരുടെ ഒരു ശീലമാണ്. അതുപോലെ അമ്മമാരുടെ എപ്പോഴത്തെയും ആശങ്കയാണ് കുഞ്ഞുങ്ങള്‍ക്ക് ടാല്‍കം പൗഡര്‍ ഉപയോഗിക്കുന്നത് ദോഷം ചെയ്യുമോ എന്നതും. കുഞ്ഞുമേനി തിളങ്ങാന്‍ വിപണിയില്‍ ഇഷ്ടം പോലെ ബ്രാന്‍ഡുകളുമുണ്ട്. എന്നാല്‍ ഇവയുടെ ഒക്കെ പാര്‍ശ്വഫലങ്ങള്‍ എന്തായിരിക്കുമെന്നും അറിയേണ്ടതുണ്ട്.

കുഞ്ഞുങ്ങളുടെ ചര്‍മം വളരെ ലോലമാണ്. ആ പൂമേനിയില്‍ എന്തെങ്കിലും ഉപയോഗിക്കുമ്പോള്‍ ഗുണനിലവാരം ഉറപ്പു വരുത്തേണ്ടത് അത്യാവശ്യം തന്നെയാണ്. കുഞ്ഞുങ്ങളുടെ മുഖത്ത് പൗഡര്‍ ഇടണമെന്ന് നിര്‍ബന്ധമില്ല. എന്നാല്‍ വിയര്‍പ്പുണ്ടാകുന്ന ഭാഗങ്ങളില്‍ ഇട്ടുകൊടുക്കാവുന്നതാണ്.

ഡയപ്പര്‍ ധരിക്കുന്നിടത്തും മടക്കുകള്‍ക്കിടയിലും ടാല്‍ക്കം പൗഡര്‍ ഇടുന്നത് ആ ഭാഗത്തെ ഈര്‍പ്പം വലിച്ചെടുക്കാന്‍ സഹായിക്കുന്നതാണ്. എന്നാല്‍ ചില കുഞ്ഞുങ്ങള്‍ക്ക് ടാല്‍കം പൗഡര്‍ ശ്വസിക്കുന്നത് അലര്‍ജിയുണ്ടാക്കിയേക്കാം. അതുകൊണ്ട് തന്നെ അങ്ങനെയുള്ള കുഞ്ഞുങ്ങള്‍ക്ക് ഒരിക്കലും പൗഡര്‍ പഫ് ഉപയോഗിച്ച് ഇട്ടു കൊടുക്കാതിരിക്കുക.

കൈയിലും കക്ഷത്തിലും ഇട്ടു കൊടുക്കുന്നുണ്ടെങ്കില്‍ തന്നെ വിരല്‍ കൊണ്ട് ഇട്ടു കൊടുക്കുക. ചില ചേരുവകള്‍ കുഞ്ഞുങ്ങളുടെ ചര്‍മത്തില്‍ അസ്വസ്ഥത, അലര്‍ജി, ദീര്‍ഘകാല ആരോഗ്യപ്രശ്‌നങ്ങള്‍ എന്നിവ ഉണ്ടാക്കാം. അതുകൊണ്ട് കുഞ്ഞുങ്ങള്‍ക്ക് വേണ്ടി എപ്പോഴും മൃദുവും സുഗന്ധദ്രവ്യങ്ങളില്ലാത്തതും ഡെര്‍മറ്റോളജിസ്റ്റ് അംഗീകരിച്ചതുമായ ഉല്‍പ്പന്നങ്ങള്‍ മാത്രം തിരിഞ്ഞെടുക്കാന്‍ ശ്രമിക്കുക. 

പൗഡര്‍

എന്താണ് ടാല്‍കം പൗഡര്‍. പ്രകൃതിയില്‍ ചില പാറകളില്‍ കാണുന്ന ഹൈഡ്രേറ്റഡ് മഗ്നീഷ്യം സിലിക്കേറ്റാണ് ടാല്‍ക് എന്നു പറയുന്നത്. പ്രകൃതിദത്തമായ ധാതുക്കളുടെ ചെറിയ കണങ്ങളില്‍ നിന്നാണ് ടാല്‍ക്കം പൗഡര്‍ നിര്‍മിക്കപ്പെടുന്നത്.

ഇത് കുഞ്ഞുങ്ങളുടെ ചര്‍മത്തിന് സുരക്ഷിതം തന്നെയാണ്. മാത്രമല്ല, ടാല്‍ക് ഭക്ഷ്യവിഭവങ്ങളിലും സൗന്ദര്യത്തിനും ഉപയോഗിക്കുന്നുണ്ട്. അരിമണികള്‍ പോളിഷ് ചെയ്യാനും ചൂയിങ്ങത്തിലുമൊക്കെ ടാല്‍ക് ഉപയോഗിക്കാറുണ്ട്. കോസ്‌മെറ്റിക് ടാല്‍ക്കുകള്‍ സുരക്ഷിതമാണെന്നാണ് ശാസ്ത്രപഠനങ്ങള്‍ പറയുന്നത്. ചില ബേബി പൗഡറുകള്‍ ക്ലിനിക്കലി തെളിയിക്കപ്പെട്ടിട്ടുമുണ്ട്.

ALSO READ: നിങ്ങള്‍ പാക്കറ്റ് പാല്‍ തിളപ്പിക്കാറുണ്ടോ ..? ഇതു കൂടി അറിഞ്ഞിരിക്കുന്നത് നന്നായിരിക്കും 

ആന്റിബാക്ടീരിയല്‍ സോപ്പുകള്‍

ആന്റിബാക്ടീരിയല്‍ എന്ന് കേള്‍ക്കുമ്പോള്‍ തന്നെ കുഞ്ഞുങ്ങള്‍ക്കു വേണ്ടി തിരഞ്ഞെടുക്കും. ഇത് നല്ലതാണെന്ന് തോന്നാമെങ്കിലും അതില്‍ വലിയ അപകടങ്ങളാണ് ഒളിഞ്ഞിരിക്കുന്നത്. ഇത്തരം സോപ്പുകള്‍ ചര്‍മത്തിലെ സ്വാഭാവിക സൂക്ഷ്മജീവികളെയും നശിപ്പിക്കുന്നതാണ്.
നമ്മുടെ ചര്‍മത്തില്‍ ദോഷകരമായ ബാക്ടീരിയകളെ നശിപ്പിക്കുന്ന നല്ല ബാക്ടീരിയകളുമുണ്ട്.

ആന്റി ബാക്ടീരിയല്‍ ഉല്‍പ്പന്നങ്ങള്‍ അമിതമായി ഉപയോഗിക്കുന്നത് ഈ സന്തുലിതാവസ്ഥയെ തകിടം മറിക്കുകയും ഇത് വരള്‍ച്ച, പ്രകോപനം, അണുബാധകള്‍ക്കുള്ള സാധ്യത എന്നിവയും വര്‍ധിപ്പിക്കും.

Applying talcum powder after a baby’s bath is a common habit among many parents. However, concerns remain about its safety. Pediatricians warn that a baby’s delicate skin requires extra care, and not all powders are suitable. While it’s not necessary to apply powder on a baby’s face, using it in sweat-prone areas or skin folds (like diaper regions) can help absorb moisture. Still, caution is essential—inhalation of talcum powder particles may trigger allergies or breathing issues in some infants. It is recommended to avoid using puff applicators and instead apply with fingers to prevent airborne powder.