ഏതു പാല്‍ വാങ്ങിയാലും തിളപ്പിക്കുക എന്നതാണ് നമ്മുടെ രീതി. പാലും പാലുല്‍പന്നങ്ങളും കഴിക്കാത്ത ഒരു ദിവസം പോലും നമ്മുടെ ജീവിതത്തിലുണ്ടാകില്ല. പ്രത്യേകിച്ച് രാത്രി കുട്ടികളെ ഒരു ഗ്ലാസ് പാല് കൊടുത്ത് ഉറക്കുന്ന രീതിയാണ് നമ്മുടെ നാട്ടിലധികവും. 

പണ്ട് നാട്ടിന്‍പുറങ്ങളില്‍ നാടന്‍ പശുവിന്റെ പാലുകള്‍ സുലഭമായി കിട്ടിയിരുന്നു. എന്നാല്‍ ഇന്ന് അങ്ങനെയല്ല. ഇവയുടെ ലഭ്യത കുറഞ്ഞു വന്നു. കൂടുതല്‍ പേരും പാക്കറ്റ് പാലുകളെയാണ് ആശ്രയിക്കുന്നത്. പാക്കറ്റ് പാലാണെങ്കിലും ഉപയോഗിക്കുന്നതിനു മുമ്പ് നന്നായി തിളപ്പിക്കുകയെന്നതാണ് നമ്മുടെ ശീലവും.

എന്നാല്‍ എല്ലാ പാക്കറ്റ് പാലുകളും തിളപ്പിച്ച് കുടിക്കേണ്ടതുണ്ടോ? ഇല്ലെന്നാണ് ആരോഗ്യവിദഗ്ധര്‍ പറയുന്നത്. പാക്കറ്റ് പാലുകള്‍ നിശ്ചിത താപനിലയില്‍ ചൂടാക്കിയ ശേഷം അണു വിമുക്തമാക്കുന്നതിനെയാണ് പാസ്ചറൈസേഷന്‍ എന്ന് പറയുന്നത്. പാസ്ചറൈസ്ഡ് പാലാണോ എന്നത് പാക്കറ്റില്‍ രേഖപ്പെടുത്തിയിട്ടുമുണ്ടാകും. 

ഇത്തരത്തിലുള്ള പാക്കറ്റ് പാല്‍ തിളപ്പിക്കേണ്ടതേ ഇല്ല. ഇത് തിളപ്പിച്ചില്ലെങ്കിലും കുടിക്കുന്നത് കൊണ്ട് പ്രശ്‌നമില്ലെന്നാണ് ഡോക്ടര്‍മാര്‍ പറയുന്നത്. പാസ്ചറൈസ് ചെയ്യുന്നതിലൂടെ പാലിലുണ്ടാകുന്ന ഇ.കോളി, കോക്‌സിയെല്ലെ, ലിസ്റ്റീരിയ, കാംപിലോബോക്റ്റര്‍ തുടങ്ങിയ അപകടകാരികളായ എല്ലാ ബാക്ടീരിയകളെയും വൈറസുകളെയും നശിപ്പിക്കപ്പെടും. 

മാത്രമല്ല, പാല്‍ കേടാവാതെ ഇരിക്കാനും ഇത് സഹായിക്കുന്നതാണ്. പാല്‍ ചൂടോടെ കുടിക്കണം എന്ന് നിര്‍ബന്ധമുള്ളവരോ കുട്ടികള്‍ക്ക് കൊടുക്കുന്നവരോ പാല്‍ വെറുതെ ഒന്ന് ചൂടാക്കിയാല്‍ മാത്രം മതി, തിളപ്പിക്കേണ്ടതില്ല.

പാസ്ചറൈസ് ചെയ്ത പാല്‍ 10 മിനിറ്റില്‍ കൂടുതല്‍ തിളപ്പിക്കുമ്പോള്‍ അതിലടങ്ങിയിരിക്കുന്ന പല വിറ്റാമിനുകളുടെയും ധാതുക്കളുടെയും അളവ് കുറയുന്നതാണ്.

100 ഡിഗ്രി സെല്‍ഷ്യസിന് മുകളില്‍ പാക്കറ്റ് പാല്‍ തിളപ്പിക്കുമ്പോള്‍ വിറ്റമിന്‍ ബി-1, ബി-3, ബി-6, ഫോളിക് ആസിഡ്, വിറ്റമിന്‍ ഡി എന്നിവയുള്‍പ്പെടെ പല വിറ്റാമിനുകളും നഷ്ടമാകുമെന്ന് ചില പഠനങ്ങള്‍ പറയുന്നുണ്ട്.

 ALSO READ: വയറിലെ കൊഴുപ്പ് പെട്ടെന്നു തന്നെ ഉരുക്കിക്കളയാന്‍ ഒരു മാജിക്കല്‍ ഡ്രിങ്ക്...! പോഷകഹാര വിദഗ്ധ പങ്കുവയ്ക്കുന്നു

എന്നാല്‍ പാസ്ചറൈസ് ചെയ്ത പാലാണെങ്കിലും ഇത് ശരിയായ രീതിയില്‍ സംഭരണം നടന്നിട്ടില്ലെന്ന് നിങ്ങള്‍ക്ക് സംശയം തോന്നുണ്ടെങ്കില്‍ അവ നന്നായി തിളപ്പിച്ച് തന്നെ ഉപയോഗിക്കണമെന്നും ഡോക്ടര്‍മാര്‍ പറയുന്നുണ്ട്. ഇതിന് പുറമെ പാലിന്റെ പാക്കറ്റില്‍ എന്തെങ്കിലും കേടുപാടുകള്‍ തോന്നുന്നുണ്ടെങ്കിലും തിളപ്പിക്കുന്നത് തന്നെയാണ് നല്ലത്.

അതുപോലെ പാക്കറ്റുകളില്‍ ലഭിക്കുന്ന ഫുള്‍ ക്രീം പാലും നന്നായി തിളപ്പിച്ച് ഉപയോഗിക്കണമെന്നും ഡോക്ടര്‍മാര്‍ പറയുന്നുണ്ട്. അതുപോലെ കറന്നെടുത്ത പാലാണെങ്കിലും നന്നായി തിളപ്പിച്ച ശേഷം മാത്രമേ ഉപയോഗിക്കാവൂ.

Boiling milk is a common household practice in India, especially when using packet milk. However, health experts say not all packet milk needs boiling. Most packet milk available today is pasteurized, meaning it has already been heated to a specific temperature to eliminate harmful bacteria like E. coli, Listeria, Campylobacter, and Coxiella.