കുവൈത്ത് സിറ്റി: പൊതു ഇടങ്ങളിൽ വർധിച്ചുവരുന്ന കത്തി ഉപയോഗിച്ചുള്ള ആക്രമണങ്ങളും മറ്റ് സംഘർഷങ്ങളും തടയുന്നതിനായി ഷോപ്പിം​ഗ് മാളുകളിൽ സുരക്ഷാപരിശോധന നടത്തി കുവൈത്ത് ആഭ്യന്തര മന്ത്രാലയത്തിലെ ക്രിമിനൽ ഇൻവെസ്റ്റിഗേഷൻ ജനറൽ വകുപ്പും പരിസ്ഥിതി പൊലിസ് വകുപ്പും.

പൊതു ക്രമസമാധാനം തകർക്കാൻ ശ്രമിച്ച പ്രവാസികളടക്കം നിരവധി പേരെ പരിശോധനയ്ക്കിടെ അറസ്റ്റ് ചെയ്തു. പൊതു സമാധാനം നിലനിർത്തുന്നതിനും മോശം പെരുമാറ്റങ്ങൾ ചെറുക്കുന്നതിനുമുള്ള ക്രിമിനൽ സുരക്ഷാ സെക്ടറിൻ്റെ തുടർച്ചയായ ശ്രമങ്ങളുടെ ഭാഗമായാണ് കാമ്പയിനെന്ന് മന്ത്രാലയം ചൊവ്വാഴ്ച പുറത്തിറക്കിയ പത്രക്കുറിപ്പിൽ വ്യക്തമാക്കി.

ALSO READ: കുവൈത്തിൽ പ്രവാസികളുടെ മാതാപിതാക്കളുടെ ആശ്രിത വിസ ലഭിക്കുന്നതിന് കടുത്ത നിയന്ത്രണം 

നിയമലംഘകർക്കെതിരെ കർശന നടപടി

സംഘർഷത്തിന് പ്രേരിപ്പിക്കുകയും കുഴപ്പങ്ങൾ സൃഷ്ടിക്കുകയും ചെയ്ത 20 വ്യക്തികളെ അറസ്റ്റ് ചെയ്തതായി മന്ത്രാലയം വെളിപ്പെടുത്തി. നിയമം ലംഘിച്ച പ്രവാസികളെ ഉടൻ നാടുകടത്തുകയും കുവൈത്തി പൗരന്മാർക്കെതിരെ നിയമനടപടി സ്വീകരിക്കുകയും ചെയ്തു.

ഇതിനു പുറമെ, പൊതു ധാർമ്മികത ലംഘിച്ചതിന് നാല് വ്യക്തികളെയും പൊതുസ്ഥലങ്ങളിൽ (ഷോപ്പിംഗ് മാളുകൾ) പുകവലിച്ചതിന് മറ്റ് നാല് പേരെയും അറസ്റ്റ് ചെയ്യുകയും ആവശ്യമായ നിയമനടപടികൾ സ്വീകരിക്കുകയും ചെയ്തു. ഷോപ്പിംഗ് മാളുകളിലും പൊതു ഇടങ്ങളിലും കലാപകാരികളെയും നിയമലംഘകരെയും പിടികൂടുന്നതിനായി ബന്ധപ്പെട്ട അധികാരികൾ ഫീൽഡ് കാമ്പെയ്‌നുകൾ ശക്തമാക്കുന്നത് തുടരുമെന്ന് മന്ത്രാലയം ഊന്നിപ്പറഞ്ഞു.

ALSO READ: ബിഎൽഎസ് ഇൻ്റർനാഷണൽ സർവീസസ് ലിമിറ്റഡിനെ ടെൻഡറുകളിൽ പങ്കെടുക്കുന്നതിൽ നിന്ന് രണ്ടു വർഷത്തേക്ക് വിലക്കി

ഷോപ്പിംഗ് മാളുകളിലെ വഴക്കുകളും, സോഷ്യൽ മീഡിയയിൽ ചിത്രീകരിച്ച് പ്രചരിപ്പിക്കുന്നവയും സുരക്ഷാ ഉദ്യോഗസ്ഥർ നിരീക്ഷിക്കുന്നുണ്ടെന്ന് ഉദ്യോ​ഗസ്ഥർ അറിയിച്ചു. ഇത്തരം സംഭവങ്ങൾ സ്ഥിരീകരിച്ച ശേഷം, രാജ്യത്ത് കലഹങ്ങളും കുഴപ്പങ്ങളും സൃഷ്ടിക്കുന്ന പ്രവാസികളെ അറസ്റ്റ് ചെയ്ത് ഉടൻ നാടുകടത്തുമെന്നും പൗരന്മാർക്കെതിരെ നിയമനടപടി സ്വീകരിക്കുമെന്നും അധികൃതർ സൂചിപ്പിച്ചു.

kuwait's general department of criminal investigation, alongside environment police, targeted shopping malls hit by recent brawls involving knives and public morals breaches. twenty people were nabbed for fights and disturbances, four for moral violations, and four more for indoor smoking. expatriate offenders face deportation while citizens undergo legal action, as authorities vow stricter patrols to maintain public order.