വാഷിങ്ടൺ: പെന്റഗണിൽ അമേരിക്കൻ പ്രസിഡന്റ് ഡൊണാൾഡ് ട്രംപ് ഭരണകൂടം ഏർപ്പെടുത്തിയ പുതിയ മാധ്യമ നിയന്ത്രണങ്ങളിൽ മാധ്യമപ്രവർത്തകർ ശക്തമായ പ്രതിഷേധം രേഖപ്പെടുത്തി. ദേശീയ സുരക്ഷാ വിവരങ്ങൾ റിപ്പോർട്ട് ചെയ്യുന്നത് കുറ്റകരമാക്കുന്നതിന് തുല്യമായ നയത്തിനെതിരെ, നിരവധി മാധ്യമ സ്ഥാപനങ്ങളാണ് പെന്റഗണിലെ തങ്ങളുടെ പ്രവേശനപാസുകൾ തിരിച്ചുകൊടുത്ത് ഇറങ്ങിപ്പോയത്. ട്രംപ് ഭരണകൂടത്തിന്റെ ഈ നടപടി മാധ്യമ സ്വാതന്ത്ര്യത്തിന് ഭീഷണിയാണെന്ന് ചൂണ്ടിക്കാട്ടിയാണ് പ്രതിഷേധിച്ചതെന്ന് മാധ്യമപ്രവർത്തകർ പറയുന്നു.

സെപ്റ്റംബറിലാണ് പെന്റഗണിന്റെ പുതിയ ക്രെഡൻഷ്യൽ നയം അന്തിമമാക്കിയത്. മാധ്യമപ്രവർത്തകർ ഒരു 'ഇൻ-ബ്രീഫ്' ഫോം ഒപ്പിട്ട് നൽകണമെന്നാണ് പുതിയ നയത്തിൽ നിർബന്ധമാക്കിയിരിക്കുന്നത്. ഇതിൽ സുരക്ഷാ നടപടികളുമായി ബന്ധപ്പെട്ട വിവരങ്ങൾ, അനുമതിയില്ലാതെ ദേശീയ സുരക്ഷയുമായി ബന്ധപ്പെട്ട വിവരങ്ങൾ തേടുകയോ പ്രസിദ്ധീകരിക്കുകയോ ചെയ്താൽ ക്രെഡൻഷ്യലുകൾ റദ്ദാക്കുമെന്നാണ് നയം. ഇത് ദേശീയ സുരക്ഷാ റിപ്പോർട്ടിം​ഗിനെ കുറ്റകരമാക്കുന്നതിന് തുല്യമാണെന്നാണ് പെന്റഗൺ പ്രസ് അസോസിയേഷൻ വ്യക്തമാക്കുന്നത്. ദേശീയ സുരക്ഷയും സൈനികരുടെ സുരക്ഷയും സംരക്ഷിക്കുകയാണെന്നാണ് നയത്തിന്റെ ഉദേശമെന്ന് പെന്റഗൺ അധികൃതർ വാദിക്കുന്നത്.  

പ്രതിഷേധത്തിന്റെ ഭാഗമായി, വാഷിങ്ടൺ പോസ്റ്റ്, ന്യൂയോർക്ക് ടൈംസ്, റോയിട്ടേഴ്‌സ്, അറ്റ്‌ലാന്റിക്, സി.എൻ.എൻ, എൻ.പി.ആർ. തുടങ്ങിയ പ്രമുഖ മാധ്യമങ്ങൾ നയത്തിൽ ഒപ്പിടാൻ വിസമ്മതിച്ചു. ദേശീയ സുരക്ഷാ വിവരങ്ങൾ പൊതുജനങ്ങൾക്ക് ലഭ്യമാക്കുന്നതിനുള്ള മാധ്യമങ്ങളുടെ അവകാശത്തെ ഇത് ബാധിക്കുമോ എന്നാണ് പ്രധാന ചോദ്യം.

Journalists from major outlets like Washington Post, NYT, and CNN walked out of the Pentagon on Oct. 15, protesting new rules that could criminalize reporting on national security info. The policy requires signing a form agreeing to strict access controls, with credentials revoked for unauthorized leaks. Critics call it a threat to press freedom, though Trump himself opposed it.