തിരുവനന്തപുരം: സംസ്ഥാനത്ത് പുതുതായി അഞ്ച് പേര്‍ക്ക് കൂടി അമീബിക് മസ്തിഷ്‌ക ജ്വരം സ്ഥിരീകരിച്ചു. ആനാട്, മംഗലപുരം, പോത്തന്‍കോട്, രാജാജി നഗര്‍, പാങ്ങപ്പാറ സ്വദേശികള്‍ക്കാണ് രോഗബാധ സ്ഥിരീകരിച്ചത്. നിലവില്‍ അഞ്ചുപേരും ചികിത്സയില്‍ തുടരുകയാണ്. 

അതേസമയം സംസ്ഥാനത്ത് രോഗബാധ വ്യാപിക്കുന്നതില്‍ ആശങ്ക ഉയരുന്നുണ്ട്. കഴിഞ്ഞ ദിവസങ്ങളില്‍ വിവിധ ജില്ലകളില്‍ രോഗം സ്ഥിരീകരിച്ചിരുന്നു. കണ്ണൂര്‍ സ്വദേശിയായ മൂന്ന് വയസുകാരനും, പാലക്കാട് സ്വദേശിയായ 62കാരനും, കൊല്ലം സ്വദേശിനിയായ 62കാരിക്കും രോഗം സ്ഥിരീകരിച്ചിരുന്നു. ഇവര്‍ വിവിധ മെഡിക്കല്‍ കോളജുകളിലായി ചികിത്സ തേടിയിട്ടുണ്ട്. ഈ മാസം ഇതുവരെ 25 അമീബിക് കേസുകളാണ് റിപ്പോര്‍ട്ട് ചെയ്തിട്ടുള്ളത്. 

ALSO READ: വീണ്ടും ജംബോ പട്ടിക: കെ.പി.സി.സി ഭാരവാഹി പട്ടിക പ്രസിദ്ധീകരിച്ചു; സെക്രട്ടറിമാരെ പിന്നീട് പ്രഖ്യാപിക്കും 

അതിനിടെ താമരശ്ശേരിയിൽ നാലാംക്ലാസ് വിദ്യാർഥിനിയുടെ മരണകാരണം അമീബിക് മസ്തിഷ്കജ്വരമല്ലെന്ന് പോസ്റ്റ്മോർട്ടം റിപ്പോർട്ട്. ഇൻഫ്ലുവൻസ എ അണുബാധ മൂലമുള്ള വൈറൽ ന്യുമോണിയയെ തുടർന്നാണ് 9 വയസ്സുകാരി അനയ മരിച്ചതെന്നാണ് പോസ്റ്റേമോർട്ടം റിപ്പോർട്ടിൽ പറയുന്നത്. നേരത്തെ ജില്ലാ മെഡിക്കൽ ഓഫീസറുടെ റിപ്പോർട്ടിൽ അമീബിക് മസ്തിഷ്കജ്വരമെന്ന് രേഖപ്പെടുത്തിയിരുന്നു.

കുട്ടിയുടെ നട്ടെല്ലിൽ നിന്ന് ശേഖരിച്ച സ്രവത്തിൽ അമീബയുടെ സാന്നിധ്യം കണ്ടെത്തിയെന്നാണ് ആരോഗ്യവകുപ്പ് ഡയറക്ടർക്ക് സമർപ്പിച്ച റിപ്പോർട്ടിൽ പറഞ്ഞിരുന്നത്. എന്നാൽ കുടുംബം ഇത് നിഷേധിച്ചിരുന്നു. താമരശ്ശേരി താലൂക്ക് ആശുപത്രിയിൽ മതിയായ ചികിത്സ നൽകിയില്ലെന്ന ആരോപണത്തെ തുടർന്നാണ് മകൾ മരിച്ചത് എന്നായിരുന്നു അച്ഛൻ സനൂപിന്റെ ആരോപണം. ആരോ​ഗ്യവകുപ്പ് സമർപ്പിച്ച റിപ്പോർട്ടിൽ അമീബയുടെ സാന്നിധ്യം കണ്ടെത്തിയെന്ന് ആശുപത്രി അധികൃതരും അറിയിച്ചതിന് പിന്നാലെയാണ് താലൂക്ക് ആശുപത്രിയിലെ ഡോക്ടർ വിപിൻ വിടിയെ കത്തി ഉപയോ​ഗിച്ച് വെട്ടി കൊല്ലാൻ ശ്രമിച്ചത്. ആക്രമണത്തിൽ ഡോക്ടർക്ക് തലയ്ക്ക് ​ഗുരുതരമായ പരുക്കേറ്റിരുന്നു. ഈ കേസിൽ സനൂപ് ജയിലിലാണ്. അതേസമയം ചികിത്സയിലുള്ള ഡോക്ടർ വിപിൻ ആശുപത്രി വിട്ടിരുന്നു.

ഈ മാസം 11-നാണ് തലയ്ക്ക് വെട്ടേറ്റ ഡോക്ടർ വിപിൻ വിടിയെ കോഴിക്കോട് സ്വകാര്യ ആശുപത്രിയിൽ നിന്ന് ഡിസ്ചാർജ് ചെയ്തത്. തലയ്ക്ക് 8 സെന്റിമീറ്റർ ആഴത്തിലുള്ള മുറിവിന് സർജറി നടത്തിയിരുന്നു. അതേസമയം സനൂപിനെതിരെ വധശ്രമം, അതിക്രമിച്ചുകയറി ആക്രമിക്കൽ, ആശുപത്രി സംരക്ഷണ നിയമത്തിന്റെ 3, 4 വകുപ്പുകൾ എന്നിവ ചുമത്തി കേസെടുത്തിട്ടുണ്ട്.

Five new cases of amoebic meningoencephalitis confirmed in the state. The infection has been reported in residents of Anad, Mangalapuram, Pothencode, Rajaji Nagar, and Pangappara.