അജ്മാൻ: എമിറേറ്റിൽ സർവിസ് നടത്തുന്ന എല്ലാ ടാക്സികളിലും ലിമോസിനുകളിലും സ്മാർട്ട് സ്പീഡ് ലിമിറ്റർ സംവിധാനം സ്ഥാപിക്കാൻ ഒരുങ്ങി അജ്മാൻ.

വാഹനത്തിന്റെ തത്സമയ ലൊക്കേഷനും റോഡിലെ വേഗപരിധിയും അനുസരിച്ച്, വാഹനത്തിന്റെ വേഗത ഈ സംവിധാനം ഓട്ടോമാറ്റിക്കായി ക്രമീകരിക്കും.

രാജ്യത്ത് നിലവിൽ ഉപയോഗത്തിലുള്ളവയിൽ നിന്ന് തീർത്തും വ്യത്യസ്തമായ ഈ സ്മാർട്ട് സംവിധാനം നടപ്പിലാക്കുന്ന യുഎഇയിലെ ആദ്യത്തെ എമിറേറ്റാണ് അജ്മാൻ.

കൂടുതൽ മികച്ച സാങ്കേതികവിദ്യകളുടെ സഹായത്തോടെ വാഹനത്തിന്റെ വേഗത നിയന്ത്രിക്കാനും റോഡപകടങ്ങൾ കുറയ്ക്കാനും ഈ പദ്ധതി ലക്ഷ്യമിടുന്നു.

ALSO READ: ഗ്രീൻ സിറ്റി ഇനിഷ്യേറ്റീവ് പദ്ധതിക്ക് തുടക്കം കുറിച്ച് മദീന; 21 ലക്ഷം മരങ്ങൾ നട്ടുപിടിപ്പിക്കാൻ ലക്ഷ്യം 

പുതിയ ഉപകരണങ്ങൾ വാഹനത്തിന്റെ സ്ഥാനം തത്സമയം (real-time) കണ്ടെത്തി, ഓരോ പ്രദേശത്തിനും അനുവദിച്ചിട്ടുള്ള വേഗപരിധി മനസ്സിലാക്കും. പിന്നീട്, വാഹനത്തിന്റെ നിലവിലെ സ്ഥാനത്തിനനുസരിച്ച് അനുവദനീയമായ വേഗതയുമായി താരതമ്യം ചെയ്യുകയും, അതിനനുസരിച്ച് വേഗത ഓട്ടോമാറ്റിക്കായി ക്രമീകരിക്കുകയും ചെയ്യും.

പുതിയ സംവിധാനത്തിൻ്റെ സവിശേഷതകൾ

ഓരോ പ്രദേശത്തെയും അനുവദനീയമായ വേഗത തിരിച്ചറിയുന്ന സംയോജിത സ്മാർട്ട് മാപ്പിംഗ് സിസ്റ്റം.

വേഗത നിയന്ത്രിക്കുന്നതിൽ ഉയർന്ന കൃത്യത ഉറപ്പാക്കാൻ ഇലക്ട്രോണിക് ഡ്രൈവിംഗ് സിസ്റ്റവുമായി നേരിട്ടുള്ള സമന്വയം (Direct Synchronisation).

നിർദ്ദേശിച്ചിട്ടുള്ള വേഗപരിധി പാലിക്കുന്നുണ്ടെന്ന് ഉറപ്പാക്കാൻ തൽക്ഷണവും തുടർച്ചയായതുമായ ഡാറ്റാ അപ്‌ഡേറ്റുകൾ.

റോഡിലെ അപകടകരമായ ഡ്രൈവിംഗ് രീതികൾ കുറയ്ക്കുന്നു, ഒപ്പം യാത്രക്കാരുടെയും ഡ്രൈവറുടെയും സുരക്ഷ വർധിപ്പിക്കുന്നു.

Ajman is set to install smart speed limiter systems in all taxis and limousines operating within the emirate. This initiative aims to enhance road safety and reduce accidents caused by speeding. The smart speed limiter system will help control vehicle speeds, promote responsible driving habits, and ensure compliance with traffic regulations.