മദീന: 'ഗ്രീൻ സിറ്റി ഇനിഷ്യേറ്റീവ്' പദ്ധതിക്ക് തുടക്കം കുറിച്ച് മദീന മുൻസിപ്പാലിറ്റി. ഹരിത ഇടങ്ങൾ വർധിപ്പിക്കാനും, ജീവിതനിലവാരം മെച്ചപ്പെടുത്താനും, പാരിസ്ഥിതിക സുസ്ഥിരത പ്രോത്സാഹിപ്പിക്കാനുമാണ് ഇതിലൂടെ ലക്ഷ്യമിടുന്നത്.

നഗരത്തിലെ സസ്യജാലങ്ങളുടെ വ്യാപ്തി കൂട്ടുക, കാർബൺ ബഹിർഗമനം കുറയ്ക്കുക, താപനില കുറയ്ക്കുക, നഗരത്തിൻ്റെ ഭൂപ്രകൃതി മെച്ചപ്പെടുത്തുക തുടങ്ങിയ ലക്ഷ്യങ്ങളോടെ മദീനയിൽ 21 ലക്ഷം മരങ്ങൾ നട്ടുപിടിപ്പിക്കാനാണ് ഈ പദ്ധതിയിലൂടെ ലക്ഷ്യമിടുന്നത്.

പ്രകൃതി വിഭവങ്ങളുടെ ഉപയോഗം പരമാവധിയാക്കാനും, താമസക്കാരുടെ ക്ഷേമം വർധിപ്പിക്കാനും ഈ സംരംഭം ശ്രമിക്കുന്നുണ്ടെന്ന് സഊദി പ്രസ് ഏജൻസി (SPA) റിപ്പോർട്ട് ചെയ്തു.

ALSO READ: നടപ്പാതകൾ വാണിജ്യാവശ്യങ്ങൾക്ക് ഉപയോഗിക്കുന്നതിന് നിയന്ത്രണമേപ്പെടുത്താൻ സഊദി; തീരുമാനവുമായി മുനിസിപ്പാലിറ്റീസ് ആൻഡ് ഹൗസിങ്ങ് മന്ത്രാലയം

സവിശേഷതകളും ലക്ഷ്യങ്ങളും

സഊദി ഗ്രീൻ ഇനിഷ്യേറ്റീവിനും വിഷൻ 2030 പദ്ധതിക്കും അനുസൃതമായാണ് ഈ സംരംഭം നടപ്പാക്കുന്നത്. മരങ്ങളുടെ വളർച്ചയും ആരോഗ്യവും നിരീക്ഷിക്കാൻ സ്മാർട്ട് ടാഗിംഗ് പോലുള്ള ഡിജിറ്റൽ സാങ്കേതികവിദ്യകൾ ഉപയോഗിക്കും.

റോഡുകൾ, പാർക്കുകൾ, റെസിഡൻഷ്യൽ ഏരിയകൾ എന്നിവിടങ്ങളിൽ സസ്യങ്ങൾ വ്യാപിപ്പിച്ചുകൊണ്ട് നഗരത്തിലെ ഹരിതാഭ വർധിപ്പിക്കാനും, പാരിസ്ഥിതിക സന്നദ്ധപ്രവർത്തനങ്ങളിൽ സാമൂഹിക പങ്കാളിത്തം പ്രോത്സാഹിപ്പിക്കാനും ഈ സംരംഭം ലക്ഷ്യമിടുന്നു.

കൂടാതെ, ഇസ്‌ലാമിക പൈതൃകവും ആധുനിക സുസ്ഥിരതാ ലക്ഷ്യങ്ങളും സമന്വയിപ്പിച്ചുകൊണ്ട് മദീനയെ സുസ്ഥിര ഹരിത നഗരങ്ങൾക്ക് ഒരു മാതൃകയാക്കാനും ഈ പദ്ധതിയിലൂടെ ശ്രമിക്കുന്നു.

The Madinah Municipality has launched the Green City Initiative, aiming to increase green spaces, enhance quality of life, and promote environmental sustainability. The initiative involves planting 2.1 million trees across Madinah, utilizing digital tools to monitor growth and health.