സോഷ്യൽ മീഡിയയിൽ പ്രചരിക്കുന്ന ഒരു വീഡിയോ വലിയ ചർച്ചയായിരിക്കുകയാണ്. ഒരു ഐസ്‌ക്രീം കച്ചവടക്കാരൻ, ഐസ്‌ക്രീം കവർ കളയാൻ ഡസ്റ്റ്ബിൻ ചോദിച്ച വിദേശിയോട് അത് റോഡിൽ വലിച്ചെറിയാൻ പറയുന്നതാണ് ദൃശ്യങ്ങളിലുള്ളത്.

വീഡിയോയിലെ സംഭവം

ഒരു വിദേശിയായ വിനോദസഞ്ചാരി, ഐസ്ക്രീം കഴിച്ച ശേഷം കവർ കളയാനായി കടയുടമയോട് ഒരു ഡസ്റ്റ്ബിൻ ആവശ്യപ്പെട്ടു. എന്നാൽ അദ്ദേഹം "അത് റോഡിലിട്ടോളൂ" എന്ന് മറുപടി നൽകി. ഇത് കേട്ട് അമ്പരന്ന സഞ്ചാരി കവർ തിരികെ കടയുടമക്ക് നൽകി. കടക്കാരൻ അത് വാങ്ങി നിലത്തേക്കിടുകയും ചെയ്തു. ഇതിന് മറുപടിയായി, ആ വിദേശ വനിത കടയുടെ പരിസരത്തും റോഡിലുമായി ചിതറിക്കിടക്കുന്ന പ്ലാസ്റ്റിക് മാലിന്യങ്ങൾ ചൂണ്ടിക്കാണിക്കുന്നതും വീഡിയോയിൽ കാണാം. വീഡിയോ എവിടെ നിന്നാണ്, എപ്പോഴാണ് ചിത്രീകരിച്ചത് തുടങ്ങിയ വിവരങ്ങൾ വ്യക്തമല്ല.

ALSO READ: സോഹാറിൽ വൻ മയക്കുമരുന്ന് വേട്ട: രണ്ട് ഏഷ്യൻ പൗരൻമാർ പിടിയിൽ

സമൂഹ മാധ്യമങ്ങളിലെ പ്രതികരണം

"എന്തുകൊണ്ടാണ് ചില ആളുകൾ ഇങ്ങനെ ചെയ്യുന്നത്?"എന്ന കുറിപ്പോടെ 'അമീന ഫൈൻഡ്‌സ്' എന്ന അക്കൗണ്ടാണ് ഈ വീഡിയോ പങ്കുവെച്ചത്. ഐസ്‌ക്രീം കച്ചവടക്കാരന്റെ പ്രവൃത്തി അശ്രദ്ധവും പൗരബോധമില്ലാത്തതും ആണെന്ന വിമർശനവുമായി നിരവധി പേരാണ് രം​ഗത്തെത്തിയത്. 

അതേസമയം, "അയാൾ ഇതെല്ലാം ശേഖരിച്ച് പിന്നീട് ഒരുമിച്ച് കളയുന്നതായിരിക്കും, ആരും സ്വന്തം കടയുടെ മുന്നിൽ ചവറ് കൂട്ടിയിടില്ല" എന്നും ചിലർ അഭിപ്രായപ്പെട്ടു. മാലിന്യം സ്വന്തം നിലയ്ക്ക് നീക്കം ചെയ്യുന്നതിന്റെ ഭാഗമായിരിക്കാം ഇതെന്ന വാദവുമായും ചിലർ രം​ഗത്തെത്തി. 

അതേസമയം, ഇന്ത്യയിലെ രീതികൾ ഇങ്ങനെയാണെന്ന് ഇവർ ആദ്യമായി അറിയുകയാണോ, ഇത്തരം വിനോദസഞ്ചാരികളുടെ യഥാർത്ഥ ലക്ഷ്യമെന്താണ് തുടങ്ങിയ ചോദ്യങ്ങളും വീഡിയോക്ക് താഴെ ഉയർന്നു വന്നു. പൊതുവിടങ്ങളിലെ ശുചിത്വത്തെക്കുറിച്ചും പൗരബോധത്തെക്കുറിച്ചുമുള്ള വലിയ സോഷ്യൽ മീഡിയ ചർച്ചകൾക്കാണ് ഈ വീഡിയോ വഴിവെച്ചത്.

A recent video that has gone viral on social media has sparked widespread outrage and debate. The video shows a street vendor selling ice cream asking a foreigner to throw the ice cream wrapper on the road instead of disposing of it properly