തിരുവനന്തപുരം: സി.പി.എം ഭരണസമിതിയുടെകാലയളവില്‍ നൂറുകോടിയോളം രൂപയുടെ ക്രമക്കേടുനടന്നെന്ന് കണ്ടെത്തിയ നേമം സഹകരണബാങ്കില്‍, എന്‍ഫോഴ്‌സ്‌മെന്റ് ഡയറക്ടറേറ്റ്(ഇ.ഡി) പരിശോധന. കൊച്ചിയില്‍ നിന്നുള്ള ഇ.ഡി സംഘമാണ് പരിശോധന നടത്തുന്നത്. 

ക്രൈംബ്രാഞ്ച് അന്വേഷണത്തിന് പിന്നാലെ മുന്‍ ബാങ്ക് സെക്രട്ടറിമാരായ എ.ആര്‍ രാജേന്ദ്ര കുമാര്‍, എസ് .ബാലചന്ദ്രന്‍ നായര്‍, മുന്‍ പ്രസിഡന്റ് ആര്‍ .പ്രദീപ്കുമാര്‍ എന്നിവരെ അറസ്റ്റ് ചെയ്തിരുന്നു. ബാങ്ക് ഭരണസമിതിയും മുന്‍ സെക്രട്ടറിമാരുമാണ് ബാധ്യതയ്ക്കിടയാക്കിയ നടപടിക്ക് പിന്നിലെന്ന് റിപ്പോര്‍ട്ടില്‍ പറയുന്നു. നിക്ഷേപം അമിതമായി ലഭിക്കാന്‍ സ്ഥിരനിക്ഷേപത്തിന് അധിക പലിശ നല്‍കുകയും വേണ്ടപ്പെട്ടവര്‍ക്ക് രേഖകളില്ലാതെ വായ്പ അനുവദിക്കുകയും ചെയ്തതാണ് വലിയ ബാധ്യതയുണ്ടാക്കിയത്. 34.26 കോടി രൂപ ലോണ്‍ നല്‍കിയ ഇനത്തില്‍ ബാങ്കിലേക്ക് തിരിച്ചടവ് കിട്ടാനുണ്ടെങ്കിലും 15.55 കോടി രൂപയ്ക്ക് മാത്രമേ ഈടായി രേഖയുള്ളൂവെന്നാണ് സമിതിയുടെ കണ്ടെത്തല്‍. പ്രതിമാസ നിക്ഷേപ പദ്ധതിയിനത്തില്‍ ആകെ 1.73 കോടിയും കിട്ടാനുണ്ട്. ഇതില്‍ 4.83 കോടി രൂപയ്ക്ക് മാത്രമേ രേഖകളുള്ളൂ.

ക്രമക്കേടുകള്‍ കണ്ടെത്തിയതിന് പിന്നാലെ മൂന്നുമാസം മുന്‍പ് ബാങ്കിന്റെ ഭരണസമിതി പിരിച്ചുവിട്ടിരുന്നു. നിലവില്‍ അഡ്മിനിസ്‌ട്രേറ്റീവ് ഭരണമാണ്. അതേസമയം, തദ്ദേശ തെരഞ്ഞെടുപ്പ് അടുത്തിരിക്കെ ഇ.ഡി റെയ്ഡ് സി.പി.എമ്മിനെ രാഷ്ട്രീയ പ്രതിസന്ധിയിലാക്കിയിട്ടുണ്ട്. 

The Enforcement Directorate (ED) conducted a raid at the Nemom Service Cooperative Bank in Thiruvananthapuram following allegations of a ₹100-crore financial irregularity that reportedly took place during the CPM-led administration of the bank.