ആലപ്പുഴ: ബൈക്കുകള്‍ കൂട്ടിയിടിച്ച് രണ്ട് യുവാക്കള്‍ മരിച്ചു.  മാരാരിക്കുളത്തിന് സമീപമാണ് അപകടമുണ്ടായത്. മണ്ണഞ്ചേരി കമ്പിയകത്ത് വീട്ടില്‍ നടേശന്റെ മകന്‍ നിഖില്‍ (19), ചേര്‍ത്തല തെക്ക് അരീപ്പറമ്പ് രാജേന്ദ്രന്റെ മകന്‍ രാഗേഷ് (25) എന്നിവരാണ് മരിച്ചത്. രാഗേഷിന്റെ സുഹൃത്തും അയല്‍വാസിയുമായ വിപിനിനെ ഗുരുതര പരിക്കുകളോടെ കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.

ALSO READ: സ്ത്രീധന പീഡനം കൊലപാതകത്തിൽ കലാശിച്ചു; 22-കാരിയെ ഭർത്താവ് മർദിച്ചു കൊലപ്പെടുത്തിയത് തെരുവിൽ വെച്ച്

ആലപ്പുഴ വളവനാട് എ.എസ് കനാല്‍ റോഡില്‍ ഇന്നലെ രാത്രി 10.30 ഓടെയാണ് അപകടമുണ്ടായത്. ആലപ്പുഴ ഭാഗത്തേക്ക് പോയ ബൈക്കും എതിരെ വന്ന ബൈക്കും കൂട്ടിയിടിച്ചാണ് അപകടമുണ്ടായത്.  രാഗേഷും നിഖിലും തല്‍ക്ഷണം മരിച്ചു.

ഇരുവരുടെയും മൃതദേഹങ്ങള്‍ ആലപ്പുഴ വണ്ടാനം മെഡിക്കല്‍ കോളജ് ആശുപത്രിയിലേക്ക് മാറ്റിയിരിക്കുകയാണ്. പോസ്റ്റ്‌മോര്‍ട്ടത്തിന് ശേഷം ബന്ധുക്കള്‍ക്ക് വിട്ടുനല്‍കും. 

two young men died after a head-on collision between two motorcycles near mararikulam in alappuzha district on tuesday night. another youth sustained serious injuries and is undergoing treatment at kottayam medical college hospital.