എന്താണ് ബ്ലൂടൂത്ത് എന്നത് ഇന്നത്തെ കാലത്ത് എല്ലാവര്‍ക്കും അറിയാവുന്നതാണ്. വയറുകളില്ലാതെ ഉപകരണങ്ങള്‍ക്കിടയില്‍ ഡാറ്റ കൈമാറാന്‍ സഹായിക്കുന്ന ഒരു വയര്‍ലസ് സാങ്കേതിക വിദ്യയാണ് ബ്ലൂടൂത്ത്. ഇത് റേഡിയോ തരംഗങ്ങള്‍ ഉപയോഗിച്ച് കുറഞ്ഞ ദൂരത്തില്‍ ആശയവിനിമയം നടത്താന്‍ സഹായിക്കുന്നു. അതായത്, കേബിളുകളില്ലാതെ ഉപകരണങ്ങളെ ബന്ധിപ്പിക്കാന്‍ സഹായിക്കുന്നു.

പരസ്പരം ബന്ധിപ്പിക്കാനും സംവദിക്കാനും ഉപകരണങ്ങള്‍ തമ്മിലുള്ള ഡിജിറ്റല്‍ ഹാന്‍ഡ്‌ഷേക്ക് പോലെയാണിത്. 
എന്നാല്‍ ബ്ലൂടൂത്തിന് ആ പേര് എങ്ങനെ ലഭിച്ചു എന്ന് അറിയാമോ..? പത്താം നൂറ്റാണ്ടില്‍ ഡെന്‍മാര്‍ക്കും നോര്‍വേയും ഭരിച്ചിരുന്ന ഹെറാള്‍ഡ് ബ്ലൂടൂത്ത് എന്ന രാജാവിന്റെ സ്മരണാര്‍ഥമാണ് ബ്ലൂടൂത്ത് എന്ന പേരിന്റെ ഉത്ഭവം.

1997ല്‍ ഇന്റല്‍ കമ്പനിയിലെ ഉദ്യോഗസ്ഥനായിരുന്ന ജിം കര്‍ദാഷ് എന്നയാളാണ് ഇങ്ങനെയൊരു പേര് നിര്‍ദേശിക്കുന്നത്. ഹെറാള്‍ഡ് രാജാവിനെയും വൈക്കിംഗുകളെയും പറ്റിയുള്ള ഫ്രാന്‍സ് ജി ബെംഗ്‌സണിന്റെ ദ ലോങ് ഷിപ്‌സ് എന്ന ചരിത്ര ഫിക്ഷന്‍ നോവല്‍ വായിക്കുകയായിരുന്നു ജിം.

ALSO READ: ഇപ്പോഴും ഫോണ്‍ കിടക്കയിലോ തലയിണയ്ക്കടിയിലോ വച്ചു തന്നെയാണോ ഉറക്കം..? നിര്‍ത്തിക്കോളൂ... അപകടം വലുതാണ്

അപ്പോഴാണ് ബ്ലൂടൂത്ത് എന്ന പേര് ജിമ്മിന്റെ മനസിലേക്കു കയറുന്നത്. ബ്ലൂടൂത്തും ഹെറാള്‍ഡ് രാജാവും തമ്മില്‍ ഒരു ബന്ധമുണ്ട്. പരസ്പരം കലഹിച്ചു കഴിഞ്ഞിരുന്ന ഡാനിഷ് ഗോത്രവര്‍ഗക്കാരെ തന്റെ ഭരണകാലത്ത് ഒറ്റ സാമ്രാജ്യത്തിനു കീഴിലേക്ക് കൊണ്ടുവരാന്‍ കഴിഞ്ഞതും ഹെറാള്‍ഡ് രാജാവിനായിരുന്നു. 

അതുപോലെ ഇലക്ട്രോണിക് ഉപകരണങ്ങളെ ഒറ്റ കുടക്കീഴില്‍ കൊണ്ടുവരാന്‍ ബ്ലൂടൂത്തിനും സാധിക്കുന്നു. ഹെറാള്‍ഡ് ബ്ലൂടൂത്തിലെ H,B എന്നീ അക്ഷരങ്ങളാണ് ബ്ലൂടൂത്തിന്റെ ലോഗോയില്‍ കാണാന്‍ സാധിക്കുക. പ്രാചീന ജര്‍മാനിക് ലിപിയിലാണ് ഈ അക്ഷരങ്ങള്‍ ഉള്ളത്. ഇവരണ്ടും സംയോജിപ്പിച്ചാണ് ലോഗോയുടെ രൂപകല്‍പനയും. 

Bluetooth is a wireless technology that allows devices to communicate and share data without cables, using short-range radio waves. But the origin of its name has an interesting royal twist. The name Bluetooth was inspired by King Harald “Bluetooth” Gormsson, who ruled Denmark and Norway in the 10th century. He was known for uniting various Danish tribes under one kingdom — similar to how Bluetooth technology unites different devices for communication. In 1997, Jim Kardach, an engineer at Intel, proposed the name after reading “The Long Ships”, a historical novel by Frans G. Bengtsson about the Viking era and King Harald. The symbolism of unification perfectly matched the technology’s purpose.