ദുബൈ: ഡൽഹിയിലെ ചെങ്കോട്ടയ്ക്ക് സമീപം തിങ്കളാഴ്ച വൈകുന്നേരം സ്ഫോടനം നടന്നുവെന്ന വാർത്ത വന്നതോടെ, ഇന്ത്യൻ തലസ്ഥാനത്ത് നിന്നുള്ള യുഎഇയിലെ നിരവധി പ്രവാസികൾ കടുത്ത ആശങ്കയിൽ. പലരും യാത്രാ പദ്ധതികൾ റദ്ദാക്കി. മറ്റുപലരും കുടുംബാംഗങ്ങളുടെ സുരക്ഷ ഉറപ്പാക്കാൻ തുടർച്ചയായി നാട്ടിലുള്ളവരുമായി ബന്ധപ്പെട്ടുകൊണ്ടിരിക്കുകയാണ്.

ചെങ്കോട്ടയിൽ നിന്ന് ഏതാനും കിലോമീറ്റർ മാത്രം അകലെയുള്ള ദര്യഗഞ്ചിൽ വളർന്ന ദുബൈയിലെ ലോജിസ്റ്റിക്സ് മാനേജരായ മുഹമ്മദ് ഫൈസൽ, ജോലി കഴിഞ്ഞ് പുറത്തിറങ്ങാൻ ഒരുങ്ങുമ്പോഴാണ് സ്ഫോടനത്തെ സംബന്ധിച്ച വാർത്ത അറിഞ്ഞത്.

ALSO READ: അ​ഗ്നിശമന സേന എത്തുന്നതിന് മുന്നേ തീ നിയന്ത്രണ വിധേയമാക്കി; യുവാക്കളെ ആദരിച്ച് ഷാർജ പൊലിസ്  

"റെഡ് ഫോർട്ട് മെട്രോ സ്റ്റേഷന് സമീപം സ്ഫോടനം നടന്നുവെന്ന വാർത്തയുടെ ലിങ്കുകൾ സുഹൃത്തുക്കളാണ് എനിക്ക് അയച്ചുതന്നത്. എന്റെ മാതാപിതാക്കൾ അവിടെ നിന്ന് ഏതാനും കിലോമീറ്റർ അകലെയാണ് താമസിക്കുന്നത്. ഞാൻ ഉടൻ തന്നെ അവരെ വിളിച്ചു," കഴിഞ്ഞ എട്ട് വർഷമായി ദുബൈയിൽ ജോലി ചെയ്യുന്ന ഫൈസൽ പറഞ്ഞു.

ആദ്യ റിംഗിൽ തന്നെ പിതാവ് ഫോൺ എടുത്തു സംസാരിച്ചത് ഫൈസലിന് ആശ്വാസമായി. എന്നാൽ, സ്ഫോടനത്തെക്കുറിച്ച് അദ്ദേഹത്തിന്റെ മാതാപിതാക്കൾ അറിഞ്ഞിരുന്നില്ല. "വിഷമിക്കേണ്ടെന്നും തങ്ങൾ സുഖമായിരിക്കുന്നുവെന്നും പിതാവ് പറഞ്ഞപ്പോളാണ് ആശ്വാസം തോന്നിയത്," ഫൈസൽ കൂട്ടിച്ചേർത്തു.

പൊലിസ് സൈറണുകൾ കേട്ടതോടെ അയൽപക്കമാകെ കർശന നിരീക്ഷണത്തിലായെന്നും, കുറച്ചുനേരം വീടിനുള്ളിൽ തന്നെ ഇരിക്കാൻ പൊലിസ് ആവശ്യപ്പെട്ടതായും മാതാപിതാക്കൾ അറിയിച്ചു.

സൗത്ത് ഡൽഹിയിൽ നിന്നുള്ള മാർക്കറ്റിംഗ് പ്രൊഫഷണലായ രാജേഷ് എം, നവംബർ 20-ന് ഒരു പ്രാദേശിക ഉത്സവത്തിനായി നോയിഡ സന്ദർശിക്കാൻ പദ്ധതിയിട്ടിരുന്നു. എന്നാൽ സ്ഫോടനത്തിനുശേഷം അദ്ദേഹം യാത്ര മാറ്റിവെച്ചു. "നിരവധി സംസ്ഥാനങ്ങൾ അതീവ ജാഗ്രതയിലായതിനാൽ, യാത്ര മാറ്റിവയ്ക്കാൻ ഞാൻ തീരുമാനിച്ചു," രാജേഷ് പറഞ്ഞു.

ALSO READ: ടെക് ലോകത്ത് പുതിയ നാഴികക്കല്ല്; 6G സംരഭത്തിന് തുടക്കമിട്ട് യുഎഇ 

ഡിസംബർ അവസാനത്തോടെ ദുബൈ സന്ദർശിക്കാൻ നിശ്ചയിച്ചിരുന്ന മാതാപിതാക്കളെ നേരത്തെ ഇവിടേക്ക് എത്തിക്കാൻ ആഗ്രഹിക്കുന്നതായും അദ്ദേഹം വ്യക്തമാക്കി. "ആയിരക്കണക്കിന് കിലോമീറ്റർ അകലെയാണെങ്കിലും നിങ്ങൾക്ക് ഉത്കണ്ഠ തോന്നാതിരിക്കാൻ കഴിയില്ല. ചാന്ദ്‌നി ചൗക്ക് നഗരത്തിലെ ഓരോ വ്യക്തിക്കും രണ്ടാമത്തെ വീട് പോലെയാണ്," രാജേഷ് കൂട്ടിച്ചേർത്തു.

അബൂദബിയിലെ റെസ്റ്റോറന്റ് ഉടമയായ ഇമ്രാൻ ക്യൂ, ഓൾഡ് ഡൽഹിയിൽ ടെക്സ്റ്റൈൽ ബിസിനസ്സ് നടത്തുന്ന തന്റെ കുടുംബത്തെ ബന്ധപ്പെടാൻ വൈകുന്നേരം മുഴുവൻ ചെലവഴിച്ചു. ജുമാ മസ്ജിദിനടുത്ത് താമസിക്കുന്ന തന്റെ അമ്മാവനും കസിൻസും ഇഷാ നമസ്കാരത്തിനായി തയ്യാറെടുക്കുമ്പോഴാണ് വലിയ സ്ഫോടനം കേട്ടത്.

"ആദ്യം, ട്രാൻസ്‌ഫോർമർ സ്ഫോടനമോ പടക്കം പൊട്ടുന്നതോ ആണെന്നാണ് അവർ കരുതിയത്, പക്ഷേ പിന്നീട് ആളുകൾ ഓടുന്നതും പൊലിസ് വരുന്നതും കണ്ടപ്പോഴാണ് കാര്യം ഗുരുതരമാണെന്ന് മനസ്സിലായത്," ഇമ്രാൻ പറഞ്ഞു.

following the recent explosion in delhi, several uae expatriates have decided to postpone their travel plans from the indian capital. the incident has raised safety concerns among travelers and prompted authorities to increase security measures.