മുണ്ടക്കയം: എരുമേലി റൂട്ടില്‍ കണ്ണിമല വളവില്‍ ശബരിമല തീര്‍ഥാടക വാഹനം അപകടത്തില്‍പെട്ട് അഞ്ചുപേര്‍ക്ക് പരുക്ക്. ഇന്ന് പുലര്‍ച്ചെ മൂന്നുമണിയോടെയാണ് അപകടമുണ്ടായത്. ആരുടേയും പരുക്ക് ഗുരുതരമല്ല. 

നിയന്ത്രണം വിട്ട ബസ് ക്രാഷ് ബാരിയറില്‍ ഇടിച്ചുനില്‍ക്കുകയായിരുന്നു. വാഹനം കുഴിയിലേക്ക് മറിയാതിരുന്നതിനാല്‍ വലിയ അപകടം ഒഴിവായി. തമിഴ്‌നാട്ടില്‍ നിന്നുള്ള തീര്‍ഥാടകരാണ് വാഹനത്തില്‍ ഉണ്ടായിരുന്നത്. 

പരുക്കറ്റ തീര്‍ഥാടകരെ എരുമേലിയിലെ സ്വകാര്യ ആശുപത്രിയില്‍ പ്രവേശിപ്പിച്ചു. 

എരുമേലി റൂട്ടില്‍ സ്ഥിരം അപകടം സംഭവിക്കുന്ന കണ്ണിമല വളവില്‍ ഇറക്കം ആരംഭിക്കുന്നതിനു മുന്‍പ് പൊലിസ് വാഹനങ്ങള്‍ തടഞ്ഞുനിര്‍ത്തി മുന്നറിയിപ്പുകള്‍ നല്‍കാറുണ്ട്.