കുവൈത്ത് സിറ്റി: രാജ്യത്ത് തെരുവുനായ്ക്കളും പൂച്ചകളും പെരുകിയതോടെ നിയന്ത്രണ നടപടികളുടെ ഭാഗമായി വളര്‍ത്തുമൃഗങ്ങളുടെ വാണിജ്യ ഇറക്കുമതി കുവൈത്ത് നിരോധിച്ചു. പൊതു അതോറിറ്റി ഫോര്‍ അഗ്രികള്‍ച്ചര്‍ അഫയേഴ്‌സ് ആന്‍ഡ് ഫിഷ് റിസോഴ്‌സസ് (Public Authority Of Agriculture Affairs And Fish Resources, PAAAFR) ആണ് ഈ സുപ്രധാന തീരുമാനം കൈക്കൊണ്ടത്. വാണിജ്യ വ്യാപാരത്തിനായി നായ്ക്കളെയും പൂച്ചകളെയും ഇറക്കുമതി ചെയ്യുന്നത് അതോറിറ്റി നിരോധിച്ചതായും എന്നാല്‍ വര്‍ദ്ധിച്ചുവരുന്ന തെരുവ് മൃഗങ്ങളുടെ എണ്ണം കുറയ്ക്കുക എന്ന ലക്ഷ്യത്തോടെയുള്ള കര്‍ശനമായ നടപടിക്രമങ്ങള്‍ക്കും നിയന്ത്രണങ്ങള്‍ക്കും കീഴില്‍ പ്രതിവര്‍ഷം ഒരു നായ മാത്രം ഇറക്കുമതി ചെയ്യാന്‍ പൗരന്മാര്‍ക്ക് അനുവാദമുണ്ടെന്നും അതോറിറ്റി സൂപ്പര്‍വൈസര്‍ ഡോ. അഹമ്മദ് അല്‍ഹമദ് പറഞ്ഞു.

റിപ്പോര്‍ട്ട് ചെയ്യാന്‍ പ്രത്യേക ഹോട്ട് ലൈന്‍

സമീപ വര്‍ഷങ്ങളില്‍ താമസസ്ഥലങ്ങളില്‍ തെരുവ് നായ്ക്കളുടെയും പൂച്ചകളുടെയും എണ്ണം ഗണ്യമായി വര്‍ധിച്ചതു സംബന്ധിച്ച് നിരവധി പരാതികളാണ് അധികൃതര്‍ മുമ്പാകെയെത്തിയത്. ഇതോടെ തെരുവുനായ്ക്കളെ പിടികൂടാനായി എമര്‍ജന്‍സി ഹോട്ട്‌ലൈന്‍ ഉള്‍പ്പെടെയുള്ള റിപ്പോര്‍ട്ടിംഗ് സംവിധാനങ്ങള്‍ ഏര്‍പ്പെടുത്തി. താമസക്കാര്‍ക്ക് 56575070 എന്ന നമ്പറില്‍ ഒരു പ്രത്യേക ഫോണ്‍ ലൈനും വാട്ട്‌സ്ആപ്പ് സേവനവും വഴി തെരുവ് മൃഗങ്ങളെ നേരിട്ട് അധികൃതരെ അറിയിക്കാന്‍ കഴിയും. എമര്‍ജന്‍സി ഹോട്ട്‌ലൈനിലൂടെയും മറ്റുമുള്ള പരാതികളുടെ അടിസ്ഥാനത്തില്‍ ഒരു വര്‍ഷത്തിനുള്ളില്‍ അതോറിറ്റിആയിരക്കണക്കിന് തെരുവ് നായ്ക്കളെ പിടികൂടിയിട്ടുണ്ടെന്ന് ഡോ. അല്‍ഹമദ് പറഞ്ഞു. 

പെരുകുന്നത് തടയാന്‍ വിവിധ പദ്ധതികള്‍ 

മൃഗങ്ങളെ പിടികൂടുന്നതിനപ്പുറം അതോറിറ്റിയുടെ സമീപനം വ്യാപിക്കുന്നുവെന്ന് അല്‍ഹമദ് പറഞ്ഞു. പ്രത്യുല്‍പ്പാദനം നിയന്ത്രിക്കുന്നതിനായി വന്ധ്യംകരണ പരിപാടികള്‍ നടത്തുന്നു. കൂടാതെ ചില മൃഗങ്ങളെ അനുയോജ്യമായ അന്തരീക്ഷത്തിലേക്ക് വിടുകയോ ആരോഗ്യ പരിശോധനകള്‍ക്ക് ശേഷം ദത്തെടുക്കുകയോ ചെയ്യുന്നു. ഇത് റെസിഡന്‍ഷ്യല്‍ ഏരിയകളിലെ സമ്മര്‍ദ്ദം ലഘൂകരിക്കാനും ഉത്തരവാദിത്തമുള്ള വളര്‍ത്തുമൃഗങ്ങളുടെ ഉടമസ്ഥാവകാശം പ്രോത്സാഹിപ്പിക്കാനും ലക്ഷ്യമിടുന്നു. പാര്‍പ്പിട കേന്ദ്രങ്ങളില്‍ നിന്ന് അകന്ന് 10,000 ചതുരശ്ര മീറ്റര്‍ സ്ഥലത്ത് തെരുവുനായ്ക്കള്‍ക്കായി ഒരു സമഗ്ര ഷെല്‍ട്ടര്‍ സ്ഥാപിക്കാന്‍ അധികൃതര്‍ അപേക്ഷ നല്‍കിയിട്ടുണ്ട്. ഈ ഷെല്‍ട്ടറില്‍ വെറ്ററിനറി പരിചരണം, വന്ധ്യംകരണം, ക്വാറന്റൈന്‍ എന്നിവയുണ്ടാകും. തെരുവ് മൃഗങ്ങളുടെ എണ്ണം നിയന്ത്രിക്കുന്നതിനായി വന്ധ്യംകരണ പദ്ധതികളും നടപ്പാക്കി വരികയാണ്. 

ALSO READ: അറബ് കപ്പിന് നാളെ തുടക്കം, ആദ്യ ദിവസം ഖത്തറും ഫലസ്തീനും ഏറ്റുമുട്ടും, വിറ്റ് പോയത് ഏഴുലക്ഷം ടിക്കറ്റുകള്‍; പൂര്‍ണ ഫിക്‌സറും സമയവും അറിഞ്ഞിരിക്കാം | FIFA Arab Cup Qatar 2025

Bahrain's Public Authority for Agriculture, confirmed that the Authority has banned the import of dogs and cats for commercial trade. Citizens are now permitted to import only one dog per year under strict procedures and regulations, a move aimed at reducing the growing stray animal population.