തെഹ്‌റാൻ: ഇസ്റാഈൽ രഹസ്യാന്വേഷണ ഏജൻസിയായ മൊസാദിന് (Mossad) വേണ്ടി ചാരവൃത്തി നടത്തിയെന്ന് കണ്ടെത്തിയ ഒരാളെ ഇറാനിൽ വധശിക്ഷയ്ക്ക് വിധേയനാക്കി. അഗിൽ കേശവർസ് എന്ന ഇരുപത്തിയേഴുകാരനെയാണ് ശനിയാഴ്ച തൂക്കിലേറ്റിയതെന്ന് ഇറാനിലെ മാധ്യമങ്ങൾ റിപ്പോർട്ട് ചെയ്തു.

ALSO READ: ലോകത്തിലെ ഉന്നതരുമായി അടുത്ത ബന്ധം, ലൈംഗിക അതിക്രമ കേസിൽ പിടിക്കപ്പെട്ടതിന് ശേഷം യു എസ്സ് ജയിലിൽ വെച്ച് ദുരൂഹ മരണം: ആരാണ് ജെഫ്രി എപ്സ്റ്റൈൻ? 

ആരാണ് അഗിൽ കേശവർസ്?

വാസ്തുവിദ്യാ ബിരുദധാരിയായ അഗിൽ കേശവർസ് ഇസ്റാഈൽ സൈന്യവുമായും മൊസാദുമായും അടുത്ത ബന്ധം പുലർത്തിയിരുന്നതായി അധികൃതർ കണ്ടെത്തിയിരുന്നു. ഇറാന്റെ തന്ത്രപ്രധാനമായ സൈനിക, സുരക്ഷാ മേഖലകളുടെ ചിത്രങ്ങൾ പകർത്തി കൈമാറി എന്നതായിരുന്നു ഇയാൾക്കെതിരെയുള്ള പ്രധാന കുറ്റം.

കഴിഞ്ഞ മെയ് മാസത്തിൽ തെഹ്‌റാനിൽ നിന്ന് 600 കിലോമീറ്റർ അകലെയുള്ള വടക്കുപടിഞ്ഞാറൻ നഗരമായ ഉർമിയയിലെ സൈനിക ആസ്ഥാനത്തിന്റെ ചിത്രങ്ങൾ എടുക്കുന്നതിനിടെയാണ് ഇയാൾ പിടിയിലായത്. തെഹ്‌റാൻ ഉൾപ്പെടെ ഇറാന്റെ വിവിധ ഭാഗങ്ങളിൽ മൊസാദിനായി 200-ലധികം രഹസ്യ ദൗത്യങ്ങൾ കേശവർസ് നിർവഹിച്ചതായി ഇറാൻ സുരക്ഷാ വിഭാഗം കണ്ടെത്തിയിരുന്നു. ഇറാൻ സുപ്രീം കോടതി ഇയാൾക്ക് വധശിക്ഷ സ്ഥിരീകരിച്ചതിനെത്തുടർന്നാണ് നടപടി.

ALSO READ: ഇറാനെ വീണ്ടും ആക്രമിക്കാന്‍ ഇസ്റാഈല്‍?; പദ്ധതി അവതരിപ്പിക്കാന്‍  നെതന്യാഹു ട്രംപിനെ കാണുമെന്ന് റിപ്പോര്‍ട്ട് 

ഇസ്റാഈലും ഇറാനും തമ്മിലുള്ള നിഴൽയുദ്ധം ശക്തമാകുന്നതിനിടെയാണ് വധശിക്ഷ നടപ്പിലാക്കിയിരിക്കുന്നത്. കഴിഞ്ഞ ജൂണിൽ ഇസ്റാഈൽ നടത്തിയ വ്യോമാക്രമണത്തിൽ ഇറാനിൽ ആയിരത്തിലധികം പേർ കൊല്ലപ്പെട്ടിരുന്നു. ഇതിന് പിന്നാലെയാണ് ചാരവൃത്തി ആരോപിക്കപ്പെട്ട് 11 പേരെ ഇറാൻ വധശിക്ഷയ്ക്ക് വിധേയരാക്കിയത്.

നിലവിൽ പശ്ചിമേഷ്യയിലെ സംഘർഷഭരിതമായ സാഹചര്യത്തിൽ, ഇസ്റാഈൽ ബന്ധം ആരോപിച്ച് കൂടുതൽ കടുത്ത നടപടികളിലേക്ക് ഇറാൻ നീങ്ങുന്നതിന്റെ സൂചനയായാണ് ഈ വധശിക്ഷ വിലയിരുത്തപ്പെടുന്നത്.

iran has executed a young man accused of spying for israel authorities say investigations uncovered involvement in nearly 200 secret missions case highlights rising regional tensions intelligence operations and strict penalties for espionage under iranian law and national security concerns