ദമാം: ഹൃദയാഘാതം മൂലം പ്രവാസി മലയാളി സൗദി അറേബ്യയിലെ ദമാമിൽ അന്തരിച്ചു. കൊല്ലം കണ്ണനല്ലൂർ ചെറുകുളത്ത് വീട്ടിൽ സിദ്ദീഖ് (48) ആണ് ഹൃദയാഘാതം മൂലം മരിച്ചത്. മൂന്നു വർഷമായി ദമാമിൽ സ്വകാര്യ കമ്പനിയിൽ ജോലി ചെയ്ത് വരികയായിരുന്നു. ജീവകാരുണ്യ പ്രവർത്തനങ്ങളിലും സജീവമായിരുന്നു. നന്മ ചാരിറ്റബിൾ സൊസൈറ്റിയുടെ ചെയർമാൻ, നന്മ സൗദി കമ്മിറ്റി പ്രസിഡന്റ് എന്നീ നിലകളിൽ പ്രവർത്തിച്ചു. 

റാക്ക അൽ സലാമ ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം നടപടികൾ പൂർത്തിയാക്കി നാട്ടിൽ എത്തിച്ചു മറവ് ചെയ്യും. 

പരേതരായ ഇബ്രാഹിം കുട്ടി, ആരിഫാ ബീവി ദാമ്പത്തികളുടെ മകൻ ആണ്.

ഭാര്യ: സഫരിയ്യ. മക്കൾ: ഹലാ സിദ്ദീഖ്, തമന്ന സിദ്ദീഖ്, അലൻ മുഹമ്മദ്. സഹോദരൻ: സി.കെ. സിയാദ്.

An expatriate Malayali died of a heart attack in Dammam, Saudi Arabia.