ആലപ്പുഴ: വിദ്യാഭ്യാസ പരമായും സാമൂഹികമായും പിന്നാക്കം നിന്ന ഒരു സമുദായത്തെ കൈപിടിച്ചുയർത്തിയ പ്രസ്ഥാനമാണ് സമസ്ത കേരള ജംഇയ്യതുൽ ഉലമയെന്ന് മന്ത്രി സജി ചെറിയാൻ. നവോത്ഥാന പ്രസ്ഥാനത്തോടൊപ്പം കേരളത്തെ മുന്നോട്ട് നയിക്കുന്നതിൽ സമസ്തയും ഉണ്ടായിരുന്നു. സമസ്തയുടെ നേതാക്കളായ വരക്കൽ മുല്ലക്കോയ തങ്ങളും കണ്ണിയത്ത് അഹമ്മദ് ഉസ്താദും പാണക്കാട് തങ്ങൾമാരും ഉൾപ്പടെ നയിച്ചവർ നാടിന് നൽകിയ സംഭാവനകൾ നിസ്തുലമാണ്. നാനാത്വത്തിൽ ഏകത്വം എന്ന സംസ്‌കാരം ഉൾക്കൊണ്ടാണ് നമ്മുടെ നാട് മുന്നോട്ടു പോയതെന്നും സജി ചെറിയാൻ പറഞ്ഞു.