ടി-20 ക്രിക്കറ്റിൽ ചരിത്രം കുറിച്ച് ഇന്ത്യൻ താരം സ്‌മൃതി മന്ദാന. ഇന്റർനാഷണൽ ടി-20യിൽ 4000 റൺസ് പൂർത്തിയാക്കുന്ന ആദ്യ ഇന്ത്യൻ വനിത ക്രിക്കറ്ററായാണ് സ്‌മൃതി റെക്കോർഡിട്ടത്. ശ്രീലങ്കക്കെതിരായ ടി-20 പരമ്പരയിലെ ആദ്യ മത്സരത്തിലാണ് താരം ഈ റെക്കോർഡ് സ്വന്തമാക്കിയത്. മത്സരത്തിൽ 25 പന്തിൽ 25 റൺസ് നേടിയാണ് സ്‌മൃതി മടങ്ങിയത്.

വിശാഖപട്ടണത്ത് നടക്കുന്ന മത്സരത്തിൽ 18 റൺസ് നേടിയപ്പോൾ തന്നെ സ്‌മൃതി ഈ നേട്ടത്തിലേക്ക് കാലെടുത്തുവെച്ചു. ഇന്റർനാഷണൽ ടി-20യിൽ 4000 റൺസ് നേടുന്ന രണ്ടാമത്തെ താരമാണ് സ്‌മൃതി. ന്യൂസിലാൻഡിന്റെ സൂസി ബേറ്റ്സ് ആണ് ഈ നേട്ടത്തിലെത്തിയ ആദ്യ വനിത താരം. 4716 റൺസാണ് കിവീസ് താരം ഇതുവരെ നേടിയിട്ടുള്ളത്. 

ഇന്ത്യക്കായി ടി-20യിൽ 2013ൽ അരങ്ങേറ്റം കുറിച്ച സ്‌മൃതി ഇതുവരെ 153 മത്സരങ്ങളിൽ നിന്നും 4007 റൺസാണ് നേടിയിട്ടുള്ളത്. ഒരു സെഞ്ച്വറിയും 31 അർദ്ധ സെഞ്ച്വറിയും സ്‌മൃതി കുട്ടിക്രിക്കറ്റിൽ നേടിയിട്ടുണ്ട്.

അതേസമയം മത്സരത്തിൽ ടോസ് നഷ്ടപ്പെട്ട് ആദ്യം ബാറ്റ് ചെയ്ത ശ്രീലങ്ക 20 ഓവറിൽ ആറ് വിക്കറ്റ് നഷ്ടത്തിൽ 121 റൺസാണ് നേടിയത്.  43 പന്തിൽ 39 റൺസ് നേടിയ വിഷ്മി ഗുണരത്‌നെയാണ് ലങ്കൻ നിരയിലെ ടോപ് സ്‌കോറർ. ഇന്ത്യക്കായി ക്രാന്തി ഗൗഡ്, ദീപ്തി ശർമ്മ, നല്ലപുരെഡ്ഡി ചരണി എന്നിവർ ഓരോ വീതം വിക്കറ്റുകൾ നേടി. 

Indian player Smriti Mandhana has created history in T20 cricket. Smriti has set a record by becoming the first Indian woman cricketer to complete 4000 runs in international T20s. The player achieved this record in the first match of the T20 series against Sri Lanka. Smriti returned to the match by scoring 25 runs in 25 balls.