പാലക്കാട്: പാലക്കാട് പുതുശ്ശേരിയില്‍ കരോള്‍ സംഘത്തിന് നേരെ ആക്രമണം. ബി.ജെ.പി- ആര്‍.എസ്.എസ് പ്രവര്‍ത്തകരാണ് ആക്രമണം നടത്തിയത്. സംഭവത്തില്‍ ബി.ജെ.പി പ്രവര്‍ത്തകനെ പൊലിസ് അറസ്റ്റ് ചെയ്തു. 

പുതുശ്ശേരി കാളാണ്ടിത്തറ സ്വദേശി അശ്വിന്‍ രാജിനെയാണ് കസബ പൊലിസ് അറസ്റ്റ് ചെയ്തത്. അശ്വിന്‍ രാജിനെതിരെ വധശ്രമത്തിന് കേസെടുത്തിട്ടുണ്ട്. പ്രതിയെ ഉടന്‍ കോടതിയില്‍ ഹാജരാക്കുമെന്നാണ് സൂചന. അശ്വിന്‍ രാജിനെതിരെ നേരത്തെ കാപ്പ ചുമത്തിയിരുന്നു.

ALSO READ: 'ഒരു മാസത്തിനുള്ളില്‍ ഹിന്ദി പഠിക്ക് ,ഇല്ലെങ്കില്‍....' സൗത്ത് ആഫ്രിക്കന്‍ പൗരനെ ഭീഷണിപ്പെടുത്തി ബി.ജെ.പി കൗണ്‍സിലര്‍ 

പുതുശ്ശേരി സുരഭിനഗറില്‍ ഇന്നലെ രാത്രി 9.15നായിരുന്നു സംഭവം. കുട്ടികള്‍ അടങ്ങുന്ന കരോള്‍ സംഘത്തെയാണ് ആക്രമിച്ചത്.  സംഭവത്തിനു പിന്നില്‍ ആര്‍.എസ്.എസ്- ബി.ജെ.പി പ്രവര്‍ത്തകരാണെന്ന് ആരോപിച്ച് കരോള്‍ സംഘം കസബ പൊലിസില്‍ പരാതി നല്‍കി. കേസെടുത്ത പൊലിസ് സംഭവസ്ഥലം രാത്രി തന്നെ സന്ദര്‍ശിച്ചു. കരോള്‍ സംഘത്തിന്റെ ബാന്‍ഡ് സെറ്റും സാമഗ്രികളും നശിപ്പിച്ചിട്ടുണ്ട്.

ആക്രമണത്തില്‍ കൂടുതല്‍ ബി.ജെ.പി പ്രവര്‍ത്തകര്‍ ഉണ്ടെന്ന് സി.പി.എം ചൂണ്ടിക്കാട്ടി. മതസ്പര്‍ധ ഉണ്ടാക്കുകയാണ് ബി.ജെ.പി ലക്ഷ്യം വെക്കുന്നതെന്നും ജില്ലാ പഞ്ചായത്ത് മെമ്പര്‍ കെ. അജീഷും സി.പി.എം ലോക്കല്‍ സെക്രട്ടറി സി . പ്രശാന്തും പറഞ്ഞതായി റിപ്പോര്‍ട്ടുകള്‍ വ്യക്തമാക്കുന്നു. 

a carol group, including children, was attacked at puthussery in palakkad on sunday night. police arrested a bjp worker in connection with the incident and registered a case of attempt to murder. the attack has triggered political allegations and condemnation.