തിരുവനന്തപുരം: സംസ്ഥാനത്ത് പഞ്ചായത്ത് പ്രസിഡന്റ് തെരഞ്ഞെടുപ്പ് പുരോഗമിക്കുന്നു. തിരുവനന്തപുരം ജില്ലാ പ്രസിഡന്റായി പ്രിയദര്‍ശിനി തെരഞ്ഞടുക്കപ്പെട്ടു. കോഴിക്കോട് ജില്ലാ പഞ്ചായത്തിന്റെ ചരിത്രത്തിലാദ്യമായി പ്രസിഡന്റ് തെരഞ്ഞെടുപ്പില്‍ വിജയം നേടി യുഡിഎഫ്.  കോടഞ്ചേരി ഡിവിഷനില്‍ നിന്നുളള കോണ്‍ഗ്രസ് അംഗം മില്ലി മോഹന്‍ കൊട്ടാരത്തില്‍ ജില്ലാ പഞ്ചായത്ത് പ്രസിഡന്റായി തെരഞ്ഞെടുക്കപ്പെട്ടു. 

കോട്ടയം ജില്ലാ പഞ്ചായത്ത് പ്രസിഡന്റായി യു ഡി എഫിലെ ജോഷി ഫിലിപ്പ് സത്യപ്രതിജ്ഞ ചെയ്തു. കണ്ണൂര്‍ ജില്ലാ പ്രസിഡന്റായി ബിനോയ് കുര്യനെ തെരഞ്ഞെടുത്തു. പാലക്കാട് ജില്ലാ പഞ്ചായത്ത് പ്രസിഡന്റായി സിപിഎമ്മിന്റെ ടിഎം ശശി തെരഞ്ഞെടുക്കപ്പെട്ടു.

സംസ്ഥാനത്ത് 941 പഞ്ചായത്തുകള്‍, 152 ബ്ലോക്കു പഞ്ചായത്തുകള്‍, 14 ജില്ലാ പഞ്ചായത്തുകള്‍ എന്നിവിടങ്ങളിലാണ് തെരഞ്ഞെടുപ്പ് നടക്കുന്നത്.