തിരുവനന്തപുരം:  സാമ്പത്തികമായി ഞെരുക്കുന്ന കേന്ദ്രത്തിനെതിര സമരത്തിനൊരുങ്ങി എല്‍ഡിഎഫ്. ജനുവരി 12ന് തിരുവനന്തപുരത്ത് വെച്ച് നടക്കുന്ന പ്രതിഷേധ സമരത്തില്‍ മന്ത്രിമാരും എംഎല്‍എമാരും പങ്കെടുക്കും. കടമെടുപ്പ് പരിധി വെട്ടിക്കുറച്ചത് , ക്ഷേമപെന്‍ഷന്‍ കുടിശിക നല്‍കാത്തത്, തൊഴിലുറപ്പ് പദ്ധതിയിലെ മാറ്റം തുടങ്ങിയ ആവശ്യങ്ങള്‍ ഉയര്‍ത്തിയാണ് എല്‍ഡിഎഫ് സമരം പ്രഖ്യാപിച്ചത്. 

ലോകസഭാ തെരഞ്ഞെടുപ്പിന് മുന്നോടിയായി ഡല്‍ഹിയില്‍ മുഖ്യമന്ത്രിയും മന്ത്രിമാരും നടത്തിയ സമരത്തിന്റെ മാതൃകയിലാണ് തിരുവനന്തപുരത്തും സമരം നടത്തുന്നത്. സമരവേദി എവിടെ എന്ന് നിശ്ചയിച്ചിട്ടില്ല.