തിരുവനന്തപുരം: ഇ-ബസിനെ ചൊല്ലി തിരുവനന്തപുരം കോര്‍പറേഷന്‍- കെ.എസ്.ആര്‍.ടി.സി പോര് രൂക്ഷമാകുന്നു. ഇ-ബസുകള്‍ നഗരത്തില്‍ മാത്രം ഓടിയാല്‍ മതിയെന്നും ഇ-ബസുകള്‍ ഉടന്‍ തിരിച്ചെത്തിക്കണമെന്നും മേയര്‍ വിവി രാജേഷ് ആവശ്യപ്പെട്ടതോടെയാണ് വിഷയം വീണ്ടും ചര്‍ച്ചയായത്. 

രാഷ്ട്രീയ സമ്മര്‍ദം കാരണം ഇ-ബസ് മറ്റ് സ്ഥലങ്ങളില്‍ ഓടിക്കുകയാണ്. നഗരത്തിന് പുറത്തേക്ക് നല്‍കിയ ബസുകള്‍ ഉടന്‍ തിരിച്ചെത്തിക്കണം. കോര്‍പ്പറേഷന് കൃത്യമായി ലാഭവിഹിതം കിട്ടണമെന്നും മേയര്‍ പറഞ്ഞു. 

എന്നാല്‍ തലസ്ഥാനത്തേക്കുള്ള യാത്രക്കാരെ കൊണ്ടുവരാനാണ് ബസ് ഓടിക്കുന്നതെന്നും നഷ്ടത്തില്‍ ഓടിക്കാനാവില്ലെന്നുമാണ് കെ.എസ്.ആര്‍.ടി.സി നിലപാട്. 

മേയറായി ചുമതലയേറ്റതിന് പിന്നാലെ നടത്തിയ വാര്‍ത്താസമ്മേളനത്തിലാണ് സ്മാര്‍ട്‌സിറ്റിക്കായി കോര്‍പറേഷന്‍ കെ.എസ്.ആര്‍.ടി.സിക്ക് നല്‍കിയ 113 ഇലക്ട്രിക് ബസുകള്‍ നഗരത്തില്‍ തന്നെ സര്‍വീസ് നടത്താനുള്ള നടപടി സ്വീകരിക്കുമെന്ന് മേയര്‍ വ്യക്തമാക്കിയിരുന്നത്. 

നഗരസഭാ പരിധിയില്‍ സര്‍വീസ് നടത്തേണ്ട ബസുകള്‍ നഗരത്തിനു പുറത്ത് സര്‍വീസ് നടത്തുകയാണ്. കോര്‍പ്പറേഷനുമായുള്ള ധാരണയ്ക്ക് വിരുദ്ധമായി കെഎസ്ആര്‍ടിസി നടത്തുന്ന ഏകപക്ഷീയമായ നിലപാടുകള്‍ അംഗീകരിക്കാനാവില്ലെന്നും മേയര്‍ അറിയിച്ചു. 

A dispute has intensified between the Thiruvananthapuram Corporation and the Kerala State Road Transport Corporation (KSRTC) over the operation of electric buses in the capital city. Mayor V.V. Rajesh has stated that electric buses should operate strictly within city limits and demanded that buses currently running outside the city be brought back immediately.