കോഴിക്കോട്: ഇടിയങ്ങര ശൈഖ്‌ പള്ളിയിൽ അന്ത്യവിശ്രമം കൊള്ളുന്ന സൂഫിവര്യൻ അശ്ശൈഖ്  അബുൽ  വഫാ ശംസുദ്ദീൻ മുഹമ്മദ്‌ബ്‌നു അലാഇദ്ദീൻ ഹിമ്സി(റ) വിന്റെ  467ാം ആണ്ടുനേർച്ചയുടെ പത്തു ദിവസമായി നീണ്ടുനിൽക്കുന്ന വൈജ്ഞാനിക പരിപാടികൾക്ക് ഇന്ന് സമാപനമാകും. 

രാവിലെ 10ന് ആരംഭിക്കുന്ന സമാപന ഖത്തം ദുആക്കും മൗലിദ് മജ്‌ലിസിനും സമസ്ത കേരള ജംഇയ്യതുൽ ഉലമ പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങൾ നേതൃത്വം നൽകും. മൂസക്കോയ മുസ്‌ലിയാർ വയനാട്, ടി.കെ മുഹമ്മദ് മുസ്‍ലിയാർ, അസ്‌ഗറലി ഫൈസി പട്ടിക്കാട്, അബൂബക്കർ  ഫൈസി മുതുപറമ്പ്, കെ.ടി അബ്ദുല്ല മുസ്‍ലിയാർ വെളിമുക്ക്, പൊൻമള ബശീർ ഫൈസി,അബ്ദുൽ ഫത്താഹ് ദാരിമി, പി.പി അന്ത്രു ഹാജി ഓർക്കാട്ടേരി, കെ.പി ഇബ്രാഹിം ഹാജി ഒഞ്ചിയം, കെ.പി ബാപ്പു ഹാജി മുതുപറമ്പ്, മുഹമ്മദ് യാസീൻ പുതിയങ്ങാടി, സിദ്ദീഖ് ഹാജി ഫറോക്, നടുക്കണ്ടി കുഞ്ഞബ്ദുല്ല ഹാജി, ടി.കെ മഹ്‌മൂദ്‌ ഹാജി പങ്കെടുക്കും. ആയിരക്കണക്കിന്  വിശ്വാസികൾ സംബന്ധിക്കും. ഉച്ചക്ക് അന്നദാനവും ഉണ്ടാകും.

ALSO READ: റെയില്‍വേ സ്റ്റേഷന്‍ പാര്‍ക്കിങിലെ തീപിടിത്തം; സ്റ്റേഷന്‍ മാസ്റ്റര്‍ക്ക് നോട്ടിസ് അയച്ച് തൃശൂര്‍ കോര്‍പറേഷന്‍