കുവൈത്ത് സിറ്റി: രാജ്യത്തെ ജയില്‍ ഭരണവിഭാഗം ആസ്ഥാനത്തുണ്ടായ തീപിടുത്തത്തില്‍ പരുക്കേറ്റ് ചികിത്സയിലായിരുന്ന മുതിര്‍ന്ന ഉദ്യോഗസ്ഥന്‍ അന്തരിച്ചു. കേണല്‍ സഔദ് നാസര്‍ അല്‍ ഖംസാനാണ് അന്തരിച്ചത്. 

ഞായറാഴ്ച സുലൈബിയാത്ത് ഖബര്‍സ്ഥാനില്‍ വെച്ച് നടന്ന ഖബറടക്ക ചടങ്ങുകളില്‍ കുവൈത്ത് ഉപപ്രധാനമന്ത്രിയും പ്രതിരോധ-ആഭ്യന്തര മന്ത്രിയുമായ ശൈഖ് ഫഹദ് അല്‍ യൂസഫ് പങ്കെടുത്തിരുന്നു. 

ALSO READ: എയര്‍ ഇന്ത്യ എക്‌സ്പ്രസ് കുവൈത്ത്-കണ്ണൂര്‍ സര്‍വീസ് വീണ്ടും ആരംഭിക്കുന്നു 

കുവൈത്ത് ആഭ്യന്തര മന്ത്രാലയത്തിന്റെ അണ്ടര്‍ സെക്രട്ടറി മേജര്‍ ജനറല്‍ അബ്ദുല്‍ വഹാബ് അല്‍ വഹൈബ്, മുതിര്‍ന്ന മറ്റ് ഉദ്യോഗസ്ഥര്‍, ബന്ധുക്കള്‍, സുഹൃത്തുക്കള്‍ തുടങ്ങി വന്‍ ജനാവലിയാണ് അദ്ദേഹത്തിന്റെ സംസ്‌കാര ചടങ്ങില്‍ പങ്കെടുത്തത്.

ജനറല്‍ അഡ്മിനിസ്‌ട്രേഷന്‍ ഓഫ് ഇന്‍സ്റ്റിറ്റിയൂഷണിലെ ഉദ്യോഗസ്ഥനായിരുന്നു കേണല്‍ സൗദ് നാസര്‍ അല്‍ ഖംസാന്‍. കഴിഞ്ഞ ദിവസമുണ്ടായ തീപിടുത്തത്തില്‍ കേണല്‍ സൗദ് നാസര്‍ ഖംസാന് ഗുരുതരമായി പരുക്കേറ്റിരുന്നു. 

ALSO READ: ഇന്‍ഫോക് അബ്ദലിയില്‍ 'വിന്റര്‍ കിറ്റ്' വിതരണം നടത്തി

കേണല്‍ സൗദിന്റെ നിര്യാണത്തില്‍ ആഭ്യന്തര മന്ത്രാലയം ഔദ്യോഗിക പത്രക്കുറിപ്പിലൂടെ അനുശോചനം രേഖപ്പെടുത്തി. ഖംസാന്റെ വിയോഗം സുരക്ഷാ സേനയ്ക്ക് വലിയ നഷ്ടമാണെന്നും അദ്ദേഹത്തിന്റെ കുടുംബത്തിന് ഈ മരണം താങ്ങാനുള്ള കരുത്ത് നല്‍കട്ടെയെന്നും മന്ത്രാലയം പത്രക്കുറിപ്പില്‍ പറഞ്ഞു.

kuwait mourns colonel saud nasser al khamsan who died after sustaining severe injuries in a fire accident while undergoing treatment drawing emotional tributes from military officials citizens and the wider gulf community across the country.