കണ്ണൂര്‍: നിയന്ത്രണംവിട്ട കാര്‍ കക്കാട് പുഴയിലേക്കു മറിഞ്ഞു. ഇന്നലെ രാത്രി എട്ടോടെ കക്കാട് പള്ളിപ്രം റോഡില്‍ നിന്നാണു കാര്‍ പുഴയിലേക്കു പതിച്ചത്. നഗരത്തിലെ തിരക്ക് ഒഴിവാക്കി വാരത്തേക്കു പോവുകയായിരുന്ന മുണ്ടയാട് സ്വദേശികള്‍ സഞ്ചരിച്ച കാറാണ് അപകടത്തില്‍പ്പെട്ടത്. യാത്രക്കാര്‍ പരുക്കേല്‍ക്കാതെ രക്ഷപ്പെട്ടു. വിവരമറിഞ്ഞു ട്രാഫിക്  പൊലിസ് സ്ഥലത്തത്തെി. രാത്രിയോടെ ക്രെയിന്‍ ഉപയോഗിച്ചു കാര്‍ ഉയര്‍ത്തി. വളവ് ശ്രദ്ധയില്‍പ്പെടാത്തതാണ് അപകടത്തിനു കാരണമായതെന്നു കരുതുന്നു. ആഴ്ചകള്‍ക്കു മുന്‍പ്  രാത്രിയില്‍ മറ്റൊരു കാര്‍ കക്കാട് പുഴയിലേക്കു മറിഞ്ഞിരുന്നു.