കണ്ണൂർ: ജില്ലയിലെ സ്വകാര്യ ബസ് ജീവനക്കാരും ഉടമകളും നാളെ (വ്യാഴം) സൂചന പണിമുടക്ക് നടത്തുന്നു. ദേശീയപാത വികസനവുമായി ബന്ധപ്പെട്ട് നടാൽ ഒ.കെ.യു.പി സ്കൂളിന് സമീപം അണ്ടർപാസ് അനുവദിക്കണം എന്നാവശ്യപ്പെട്ടാണ് പ്രതിഷേധം.

പണിമുടക്കിന്റെ ഭാ​ഗമായി നാളെ ജില്ലയിലെ മുഴുവൻ സ്വകാര്യ ബസുകളും സർവീസ് നിർത്തിവെക്കും. നടാൽ വഴി തലശ്ശേരി ഭാഗത്തേക്ക് സർവീസ് നടത്തുന്ന ബസുകൾ നാളെ മുതൽ അനിശ്ചിതകാലത്തേക്ക് പണിമുടക്കും. 

ALSO READ: മദ്യപിച്ചുള്ള ഡ്രൈവിംഗ്: ലൈസൻസ് സസ്പെൻഷൻ കാലാവധി രണ്ട് വർഷം വരെയാകാം; ലൈസൻസ് തെറിച്ചത് 3,305 പേർക്ക്

സ്കൂൾ വിദ്യാർത്ഥികൾക്കും നാട്ടുകാർക്കും റോഡ് മുറിച്ചുകടക്കാൻ അടിപ്പാത വേണമെന്ന ആവശ്യം അധികൃതർ അംഗീകരിക്കാത്തതിൽ പ്രതിഷേധിച്ചാണ് ബസ് ഓപ്പറേറ്റേഴ്സ് കോ-ഓർഡിനേഷൻ കമ്മിറ്റി സമരത്തിന് ആഹ്വാനം ചെയ്തത്.

ALSO READ: സ്വത്തും കുടുംബവും നഷ്ടപ്പെടുമെന്ന് ഭയം; മഞ്ചേശ്വരം ഇരട്ടക്കൊലപാതകത്തിൽ പ്രതി ഉമ്മർ ഫാറൂഖിന്റെ ഞെട്ടിക്കുന്ന മൊഴി

നാളെ ജില്ലയിലെ സ്വകാര്യ ബസുകൾ നിരത്തിലിറങ്ങാത്തതിനാൽ യാത്രാക്ലേശം രൂക്ഷമാകാൻ സാധ്യതയുണ്ട്. കെ.എസ്.ആർ.ടി.സി അധിക സർവീസുകൾ നടത്തുമോ എന്ന കാര്യത്തിൽ ഇതുവരെ ഔദ്യോഗിക അറിയിപ്പുകൾ ലഭിച്ചിട്ടില്ല. 

Private buses in Kannur district will go on strike tomorrow to demand the construction of an underpass near the Nadal OKUP School. While the general strike across the district is currently set for one day, bus operators on the Nadal-Thalassery route have declared an indefinite strike until their demands are met.