പത്തനംതിട്ട;  ശബരിമലയില്‍ നെയ് കൊള്ള കേസില്‍ ആദ്യത്തെ അറസ്റ്റ് രേഖപ്പെടുത്തി. ദേവസ്വം ബോര്‍ഡ് ജീവനക്കാരനും അരൂര്‍ സ്വദേശിയുമായ സുനില്‍ കുമാര്‍ പോറ്റിയെ ആണ് വിജിലന്‍സ് അറസ്റ്റ് ചെയ്തത്. കേസിലെ പതിമൂന്നാം പ്രതിയാണ് സുനില്‍കുമാര്‍. 36 ലക്ഷം രൂപയുടെ ക്രമക്കേട് നടന്നെന്നാണ് കേസ്. ഹൈക്കോടതി നിര്‍ദ്ദേശപ്രകാരമായിരുന്നു വിജിലന്‍സ് അന്വേഷണം.

കേസില്‍ ആകെ 33 പ്രതികളാണ് ഉള്ളത്. ബോര്‍ഡ് നെയ്യ് വില്‍പ്പനക്ക് ചുമതലപ്പെടുത്തിയ ജീവനക്കാരനാണ് സുനില്‍ കുമാര്‍ പോറ്റി. 13000ത്തിലേറെ പാക്കറ്റ് നെയ്യ് വിറ്റതിന്റെ പണം ഇയാള്‍ അടച്ചില്ല എന്നതാണ് ഇയാള്‍ക്കെതിരെയുള്ള കേസ്.